Albistea entzun

Martin Garitano (Bildu): "Gau historikoa da"

 

Berria -

2011ko maiatzak 22

Martin Garitano Bilduren Gipuzkoako ahaldun nagusigaiak adierazi du "gau historikoa" dela gaurkoa, Bilduk lortu dituen emaitzak direla eta. Aipatu du koalizioak 300.000 botoko kopurua gainditu duela —boto zenbaketa amaitzear dela, 313.000 boto doa—. "Euskal Herria aurrera doa", esan du Garitanok Donostian, Atano III.a pilotalekuan euren jarraitzaileen aurrean.

Oskar Matute Bilduko kideak azaldu du emaitza Bilduren apustua berresten ari direla, eta "aldaketa soziala, politikoa eta instituzionala" gaur hasten dela. 

"Datuek ezkerreko indarrek eta subiranotasunaren aldeko indarrek batuta indartsuagoak eta boteretsuagoak direla erakusten dute. Osotasun hori da Bildu. Euskal Herrian pertsonen gehiengoak eraldaketa soziala eskatzen dute, normalizazio politikoak eta baketzeak hautestontziak bete ditu", esan du Matutek.  Herritarren itxaropena erakundeetara eramango dutela gaineratu du, eta gobernatzeko prest daudela, "zintzotasunez eta gardentasunez".

Ezker abertzaleak dio emaitzek "Euskal Herria aro berrian" dagoela frogatzen dutela

Marian Beitialarrangoitia ezker abertzaleko kideak adierazi du "Euskal Herria aro berrian sartuta" dagoela erakusten dutela gaurko emaitzek, eta zorionak eman dizkio Bilduri. "Indar independentistak indarrarekin eta ekarpenekin ariko dira aurrerantzean".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.