Albistea entzun

kultura

Donostia, 2016ko Europako kultur hiriburu

17:25ean jakinarazi du erabakia epaimahaiak; kontuan hartu du Donostiak "elkarbizitzarako kultura erabili" behar dela esateak. Juan Karlos Izagirre alkateak esan du "herritarren parte hartzea handitu" egingo dela, eta euskararen garrantzia azpimarratu du. Burgos, Kordoba, Las Palmas, Segovia eta Zaragoza ziren Espainiako Estatuko beste hautagaiak. Guztien "lan bikaina" nabarmendu du epaimahaiak. Wroclaw (Polonia) izango da 2016ko beste kultur hiriburua. Berria TBk zuzenean eman du Madrilgo ekitaldia.

Donostia izango da 2016ko Europako kultur hiriburu. Hala jakinarazi du 17:25ean epaimahaiak, Madrilen. Ondorengo poztasunak jaso ditu BERRIA Telebistak.
Europako Kultur hiriburuaren poztasuna

Angeles Gonzalez Sinde Espainiako Kultura ministroa eta Juan Karlos Izagirre Donostiako alkatea

Berria -

2011ko ekainak 28

Donostia izango da 2016ko Europako kultur hiriburu. Hala jakinarazi du 17:25ean epaimahaiak, Madrilen. "Proposamen bikaina aurkeztu zuen, oso ondo zuzendua. Imajinazio ederra erabili dute bi bisitetan", esan du  Manfred Gaulhofer epaimahaiko buruak. 

Burgos, Kordoba, Las Palmas, Segovia eta Zaragoza ziren Espainiako Estatuko beste hautagaiak. "Guztiak ziren oso onak, baina Donostiak zerbait gehiago du. Indarkeriaren kontrako konpromisoa izan da, hain zuzen, bere ezaugarri nagusi bat, eta elkarbizitzarako kultura erabili behar dela esatea", adierazi du Gaulhoferrek.

2016ko beste kultur hiriburua Wroclaw (Polonia) izango da.

Juan Karlos Izagirre Donostiako alkateak, irazbale izan direla jakin osteko hitzaldian, zorionak eman dizkie euren hautagaitzan lanean jardun duten denei, eta "herritarren parte hartzea handitu" egingo dela adierazi du. Euskararen garrantzia azpimarratu du, "gure kulturaren motorra" izan behar duela esanez. Gazteleraz gain, euskaraz ere mintzatu da Izagirre.

Oholtzan izan da, besteak beste, Odon Elorza Donostiako aurreko alkatea. Oso gustura zegoen. "Asko poztu naiz, eta ea orain dena ondo egiten den".

Hilabete hauetan "lan gogorra" egin duela esan du Donostiako hautagaitzak, eta "gustura" agertu da lanarekin. Ordezkaritzako kideek gaur goizean azaldu dutenez, kideen arteko harremana sendotzeko ere balio izan du Madrilgo bueltak. Taldean egon den "giro ona" nabarmendu dute. 

Sei hautagaien "ahalegina" eskertu du epaimahaiak, "lan bikaina egin dutelako. Gainera, oso parte hartze instituzional eta herritar handia izan da. Oso zaila izan da bat hautatzea".

Angeles Gonzalez Sinde Espainiako Gobernuko Kultura ministroak nabarmendu du "hiri politikan kultura" txertatzea lortu dutela guztiek. "Jarrai dezatela kultur ibilbide horretan".

Juan Alberto Belloch Zaragozako alkate (PSOE) eta Espainiako Barne eta Justizia ministro ohia oso minduta agertu da Donostia hautatu dutelako, "Bilduk gobernatzen duelako han". Rosa Aguilar Espainiako Ingurumen ministroa ere erabakiaren kontra azaldu da; "epaimahaiaren akats handia izan da".

Europako Batasuneko herrialdeetako Kultura ministroen batzordeak 1985etik urtero bi hiri izendatzen ditu kultur hiriburu, "Europako kulturen aberastasuna, dibertsitatea eta izaera azpimarratzeko".

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Miren Agur Meabe saritutako lana aurkeztu zuen egunean ©Jagob Manterola/Foku

Miren Agur Meabek Espainiako Poesia Saria irabazi du

Iñigo Astiz

‘Nola gorde errautsa kolkoan’ liburuagatik saritu dute egilea, eta 20.000 euro jasoko ditu. Euskarazko liburu batek sari hori jasotzen duen lehen aldia da

Miren Agur Meabe. ©Monika del Valle / Foku

«Gorputzaren idazketatik aldentzen ari naiz; horren isla da liburua»

Aitor Biain

Pozik eta hunkituta jaso du Espainiako Poesia Sariaren berria Miren Agur Meabek (Lekeitio, Bizkaia, 1962). Bidaide izan dituen guztiei eskaini die.

Donostiako Zinemaldia | Laburpena, irailaren 20a

'Vous ne désirez que moi', 'Distancia de rescate' eta 'Crai nou' filmen aurkezpena

BerriaTB

Donostiako Zinemaldiko laugarren egunaren bideo laburpena.

Maria Valverde, Clara Llosa, Samanta Schweblin eta Dolores Fonzi, gaur, Donostian. ©Jon Urbe / Foku

Amatasunaren hariak eta izuak

Ainhoa Sarasola - Mikel Lizarralde

Claudia Llosak Distancia de rescate filma erakutsi du Sail Ofizialeko lehian. Vous ne désirez que moi (Claire Simon) eta Crai Nou (Alina Grigore) pelikulak ere aurkeztu dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.