FRANTZIAKO TOURRA

Samuel Sanchezek irabazi du Pirinioetako lehen etapa

Euskaltel-Euskadiko txirrindularia izan da garaile, eta sailkapen nagusian zortzigarren jarri da. Haren atzetik, Vanendert eta Frank Schleck iritsi dira.

Berria -

2011ko uztailak 14

Samuel Sanchezek (Euskaltel-Euskadi) irabazi du gaur Frantziako Tourreko 12. etapa, Pirinioetako lehena. Etapak buruz buruko amaiera izango zuela zirudien, Sanchezek eta Vanendertek ihesean igo baitute Luz Ardiden, baina helmugara heltzear zirela Sanchezek azken erasoa egin du, eta, iheskidea atzean utzita, bakarrik egin ditu azken metroak. Haren atzetik J. Vanendert (OLO) eta F. Schleck (LEO) helmugaratu dira, hirurak hamar segundoren buruan.

Aurtengo lehen garaipena du Euskaltel-Euskadiko txirrindulariak, eta zortzigarren jarri da sailkapen nagusian.

Gaur zortzigarren helmugaratu da Thomas Voeckler, eta hark jarraitzen du lider sailkapen nagusian..

Biharko etapa 13.a izango da, eta Pauetik Lourdesera joango da. 152,5 kilometroko distantzia egin beharko dute txirrindulariek.

Albiste gehiago

Martxoaren 28an eguneratua, 14:00etan. ©BERRIA

Koronabirusaren azken datuak

Euskal Herrian 6.987 gaixok eman dute positibo koronabirusaren proba eginda, administrazioen arabera. 312 hil dira. COVID-19 gaitza izandako 988 pertsonari eman diete alta. Grafikoak, albiste barruan.

Jolas parkeak duela bi aste itxi zituzten. Irudian, horietako bat Donostian. / ©Gorka Rubio, Foku

EAJk harridura agertu du, eta EH Bildurentzat berandu dator erabakia

Confebaskek gaitzetsi egin du "funtsezkoa ez den jarduera oro" geratzeko erabakia. ELAk eta LABek ontzat jo dute, baina orduak errekuperatzera behartuta, ondorioak langileen bizkar geratuko direla salatu dute.

Langile batzuk lanean, joan den astean, Hernaniko lantegi batean. ©J. URBE / FOKU

Konfinamendu osoa bihartik, Hegoaldean

Jokin Sagarzazu

Madrilek eten egin ditu funtsezkoak ez diren jarduera guztiak, bihartik apirilaren 9ra. Langileek ohiko soldata jasoko dute, eta lanorduak gero egingo dituzte.

Nekazaritza da itxialditik salbuetsitako funtsezko jardueretako bat. ©IÑIGO URIZ / FOKU

Zeintzuk dira «funtsezko jarduerak»?

Ion Orzaiz

Elikagaien ekoizpenak, lehengaien garraioak, hedabideek eta osasun zerbitzuek orain arte bezala segituko dute apirilaren 9ra arte.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna