Ram Manikkalingam: "Baiezkoa jaso bezain laster osatu dugu Egiaztatze Batzordea"

 

Berria -

2011ko urriak 1

Ram Manikkalingam ETAren su-etena egiaztatzeko batzordeko kideak gaur Deia egunkarian esan duenez, "une egokia da hau ETAk indarkeriaren amaiera zehaztu eta bultzatzeko". Aste honetan osatu da ETAren su-etena egiaztatzeko batzordea, eta bost kideetako bat da Manikkalingam. Sri Lankan jaioa da, Dialogue Advisory Group-eko zuzendari eta Amsterdamgo Unibertsitateko irakasle.

Elkarrizketan esan duenez, Egiaztatze Batzordeak euren iritziz su-eten bat zer den jakinarazi zion ETAri, eta erakunde armatua ados agertu da eman dioten esannahiarekin. "Baieztapen hori jaso bezain laster osatu dugu Batzordea eta etorri gara Bilbora", esan du. Zehaztu duenez, ordea, ETAren baiezkoa jasotzeak denbora asko behar izan du, "komunikazio kanalengatik".

Aste honetan hasi da biltzen Egiaztatze batzordea Euskal Herriko eragileekin, eta ezker abertzalearekin biltzeaz gain, Iñigo Urkullu EAJko presidentearekin, ELA, LAB, CCOO eta UGT sindikatuekin eta Confebaskekin bildu dira. "Bilera guztietan gauza bera entzun dugu: Euskal Herrian ez dagoela inor su-eten hau amaitzea nahi duenik. Itxaropentsu gaude, horrek su-etenari eusteko babesak bilatzen lagunduko baitigu".

Espainiako Gobernuarekin komunikazio kanalik ez dutela jakinarazi du, baina irekitzea garrantzitsua litzatekeela adierazi du, "baita Eusko Jaurlaritzarekin eta Frantziako Gobernuarekin ere. "Beraiek, noski, su-etenaz informazio gehiago dute, eta badakite aurrera doan edo ez. Etorkizunean eurekin harremanetan jartzea espero dugu", esan du.

Manikkalingamek argitu du Brian Currin buru duen Nazioarteko Harreman Taldea gai politikoak lantzen ari dela. "Beraiek sentitzen zuten ez dutela eskumenik ezta gogorik su-etena egiaztatzeko. Giza-eskubideen arloan esperientzia handia duten adituak dira, baina su-etenari dagozkion gaiak teknikoak eta militarrak dira batik bat". Gainera, "zenbait pertsonek" partzialak direla uste dutela iritzi diote Nazioarteko Harreman Taldekoek.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Basurtun, PCR probak egiten ©Javier Zorrila / efe

300 positibotik gora Hego Euskal Herrian

Berria

Bizkaian eta Araban gorakada nabarmenak izan dira.

Pentsionisten elkarretaratzea Bilboko Justizia Jauregian. ©Aritz Loiola

Pentsiodunek pandemiako testigantzen txosten bat aurkeztuko diote EAEko Fiskaltzari

Maialen Arteaga

Irailaren 7an bilduko dira fiskalarekin pandemiako testigantzak eta datuak biltzen dituen txostena helarazteko

Baztango haur eskola. ©Jagoba Manterola/FOKU

Nafarroako haur eskoletan «normaltasun berriarekin» ekingo diote ikasturteari

Olatz Esteban Ezkati

Lau egoera posible irudikatu ditu Nafarroako Gobernuak, eta COVID-19aren bilakaeraren arabera ezarriko da bat edo beste.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna