mundua

Europako Batasunak betoa jarri dio Irango petrolioari

Uranioa aberasteko programan aurrera jarraitzen duela egozten diote. Europako Batasuneko herrialdeek ezingo dute Iranekin hitzarmenik egin. AEBek ondo deritzote neurriari.

Berria -

2012ko urtarrilak 23

EB Europako Batasuneko herrialdeek Irango petrolio produktuei betoa jartzea erabaki dute. EBko enbaxadoreek lortu dute akordioa, eta Atzerri ministroek izenpetu dute gaur bertan. AEBek ondo deritzote neurriari. Uranioa aberasteko programan aurrera jarraitzen duela egozten diote Irani.

Betoaren arabera, ezingo dute harekin petrolioari buruzko hitzarmenik egin. Egungo akordioei, berriz, uztailaren 1era arteko "trantsizio" epea eman diete eteteko.

Herrialderik kaltetuena Grezia izango da, arlo horretan harreman handia duelako Iranekin, baina Bruselak hitzeman dio beste herrialde batzuekin negoziatuko duela orain.

Espainiak eta Italiak ere petrolio asko erosten diote hari. "Sakrifizio handia egingo dugu", esan du Jose Manuel Garcia-Margallok, Espainiako Gobernuko Atzerri ministroak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna