Albistea entzun

txirrindularitza

Bi urteko zigorra Alberto Contadorri klenbuterolarekin emandako positiboagatik

Gaur eman du epaia Kirola Arbitratzeko Epaitegiak. 2010eko Tourrean eman zuen positiboa; 50 pikogramo klenbuterol antzeman zituzten ziklistaren gernuan. Orduko Tourra eta iazko Giroa kendu dizkio TASek. Aurtengo abuztuaren 6ra ezingo du korritu.

Alberto Contador 2010ean, hirugarren Frantziako Tourra irabazi zuenean.
Alberto Contador 2010ean, hirugarren Frantziako Tourra irabazi zuenean.

Berria -

2012ko otsailak 6 13:36

Kirola Arbitratzeko Epaitegiak (TAS) bi urteko zigorra jarri dio Alberto Contador txirrindulariari (Espainia, 1982), 2010eko Frantziako Tourrean klenbuterolarekin emandako positiboagatik, TASek dopajea egiaztatzerik ez duela izan aitortu arren.

Orduan irabazitako Tourra eta iazko Italiako Giroko garaipena kendu egin dizkiote Contadorri. Ondorioz, 2010eko Tourreko irabazle ofiziala Andy Schleck da —eta Samuel Sanchez Euskaltel-Euskadikoa hirugarren geratu da— eta iazko Girokoa Michele Scarponi.

Contadorrek aurtengo abuztuaren 6ra ezingo du korritu. Beraz, ez da ariko Tourrean eta Londresko Olinpiar Jokoetan. 30 egun ditu helegitea jartzeko.

Haren arabera, haragi xerra kutsatu bat jateak eragin zion klenbuterola gorputzean. Aldiz, akusazioak —Munduko Txirrindularitza Federazioak eta Dopajearen Kontrako Agentziak— epaiketan esan zuen txirrindulariak odol autotranfusioa egin zuela.

Efraim Barak israeldarrak, Ulrich Haas alemaniarrak eta Quentin Byrne-Sutton suitzarrak osatu dute TASeko epaimahaia. Barak-ek jakinarazi du epaia.

2010eko uztailaren 21ean egindako analisian eman zuen positibo Contadorrek, Tourrean lider zela, baina albistea irailaren bukaeran zabaldu zuten. "Ezin dut onartu zigortzea", adietazi zuen hark 2010eko urriaren 1ean emandako prentsaurrekoan.

Ganadua gizentzeko erabili ohi da klenbuterola, eta gizakietan baita kirol errendimendua hobetzeko ere, arnasketa errazten duelako. "Elikagai kutsaduragatik eman dut positibo", zioen txirrindulariak. "Akats nabarmena egin dute. Konponduko da, egia aurretik jarrita".

Nolanahi ere, aurkitutako klenbuterol kopurua oso txikia dela onartu zuen UCIk, baina ikerketa sakona egin behar zela dopatu egin den edo ez ebazteko. Zehazki, 50 pikogramo klenbuterol antzeman zituzten ziklistaren gernuan (0,00000000005 gramo mililitro bakoitzeko). "Hori ez da ezer", esan zuen Contadorrek.

2011ko otsailean hura absolbitzearen alde agertu zen Espainiako Txirrindularitza Federazioa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©FOKU

Zergatik izan da «ametsa»?

Aitor Manterola Garate

Denboraldi eskasa egitearen ondorioz jaitsi da Eibar Bigarren Mailara. Zelaian ez du ia ezertan asmatu, baina ardurak klub osora zabaldu behar dira.

Iñaki Artola, gaur, garaipena ospatzen Bilboko Bizkaia pilotalekuan. ©Aritz Loiola / Foku

Rezusta eta Artola, final-laurdenetara

Berria

Rezustak 14-22 irabazi dio Bengoetxea VI.ari, eta Artola 22-18 gailendu zaio Agirreri.

Bernal, gaur, Campo Feliceko gainean. ©Luca Zennaro / EFE

Etapa eta lidergoa Bernalentzat

Berria

Azken kilometroan eraso bortitza jo du kolonbiarrak, eta inork ezin izan dio eutsi. Bigarren Ciccone izan da, eta hirugarren Vlasov.

Baionako jokalariak Tolosan (Okzitania), atzo, garaipena ospatzen. ©Aviron

Baionako jokalariek 'Txoria txori' abestuz ospatu dute Tolosan lortutako garaipena

Paulo Ostolaza

Top14an mailari eusteko lehian dabil Aviron, eta ezusteko garaipena eskuratu du liderraren zelaian.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna