Albistea entzun

KULTURA

Abian da Literaturia azoka

Asteburu osoan zehar liburu aurkezpenak eta beste hainbat ekitaldi izango dira Larrabetzun. Euskara hutsezko lanei lekua egitea du xede literatur jaialdiak. Aurten 'Lauaxeta' idazlea omendu nahi izan dute, eta hil zuten egunean soinean zeraman jaka hautatu dute festaren ikur gisa.

Asteburu osoan literaturaz gozatzeko hamaika ekitaldi antolatu dituzte Larrabetzuko euskal liburuen azokan eta topagunean. Aurten 'Lauaxeta' idazlea omendu nahi izan dute.

Berria -

2012ko ekainak 1

Asteburuan zehar Literaturia azoka egingo dute Larrabetzun (Bizkaia), euskara hutsezko literaturari eskainitako jaialdia. Durangoko azokarekin (Bizkaia) eta Sarakoarekin (Lapurdi) alderatuz, hori du hain zuzen bereizgarria, euskara hutsezkoa izatea. Urteen joanarekin uda hasieran euren lanak aurkeztu nahi dituzten idazleentzat topaleku interesgarria bilakatu da Literaturia.

Biotz Zulueta antolatzailearen esanetan azoka literatur jaialdi bat baino gehiago da, "jaialdi honetan etortzen den orok aurkituko du gustuko duen zerbait" dio Zuluetak. Goizeko hamaiketan eman diote hasiera azokari, Idazlea zeu zara umeentzako antzezlanarekin. 

Aurtengo jaialdiko irudiak historia du atzean: Estepan Urkiaga Lauaxeta orain 75 urte erail zuten idazlearena. Unai Iturriagak Lauaxeta hil zuten egunean soinean zeraman jaka hautatu du festaren kartela sortzeko ikur gisa, eta jantzi horren laguntzaz egingo diote omenaldia gaur poetari, gaueko hamarretan. 

Lauaxeta: ez zuten poeta fusilatu ikuskizuna izango da ikusgai herriko plazan, musika, olerkien irakurketa eta bideo proiekzioekin osatua. Omenaldi berezian parte hartuko dute Eñaut Elorrietak, Mikel Urdangarink, Rafa Ruedak, Jabier Muguruzak, Txuma Murugarrenek, Francis Diezek, Anje Duhaldek, Xabi Strubellek, Pettik, Ane Zabalak, Goizalde Landabasok eta Edorta Jimenezek.

Badira, halaber, bestelako proposamen bereziak. Adibidez, Rapari poesia dosi bat ematea eta poesiari erritmoa jartzea. Koldo Izagirre idazlearen testuak hartu eta rap doinuetara moldatu dituzte EH3 kolektiboko kideek. Bihar izango da hori, 23:00etan, Hori Bai gaztetxean. 

Egitaraua

- Gaur: 11:00etan, Idazlea zeu zara antzezlana umeentzat, Artedrama eta Dejabu panpin laborategiak antzezturik (Angulerin). 22:00etan, Lauaxeta: ez zuten poeta fusilatu ikuskizuna (plazan). 

- Bihar: 10:00etan, Mahai ingurua, 111 Akademiaren gidaritzapean (Angulerin). Gaia: Nork erakusten digu zer irakurri? Zeren arabera hautatzen ditugu liburuak?. 12:00etan, liburuen aurkezpenak (Angulerin) eta umeentzako antzerkia (plazan). 15:00etan, herri bazkaria (eskolan). 18:00etan, Kukubiltxoren umeentzako antzezlana: Leihotik mundura (Hori Bai gaztetxean). 18:30ean, Xentimorik gabe antzezlana (plazan) eta 20:30ean, Xabier Montoiaren kontzertua. 23:00etan, EH3 Kolektiboaren kontzertua, Koldo Izagirre idazlearen testuetatik abiatuta (Hori Bai gaztetxean).

- Etzi: 10:00etan, Mahai ingurua, EIZIEk antolaturik. Gaia: Idazlearen eta irakurlearen artean, itzultzailearen itzala (Angulerin). 12:00etan, liburuen aurkezpenak (Angulerin) eta umeentzako antzerkia (plazan). 15:00etan, herri bazkaria (eskolan). 17:30ean, bertso trama literarioa (plazan). 19:00etan, poesia errezitaldiak eta 20:30etan, Mugaldekoak taldearen kontzertua (Hori Bai gaztetxean).

Bi egunetan liburu azoka egongo da Larrabetxuko plazan, 11:00etatik 14:30etara eta 16:30etatik 20:00tara.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jokin Campion Gaston, Saioa Alkaiza Guallar eta Ander Perez Argote, gaur, Iruñean. ©Iñigo Uriz / Foku

Nafarroako Bertsozale Elkarteak eta Iruñeko Udalak otsailera atzeratu dute Bertsoaroa

Ane Eslava

Nafarroako Bertsolari Txapelketa jokatzen ari delako atzeratu dute zikloa. Iruñeko Bertsopaper Lehiaketako irabazleak jakinarazi dituzte, eta Saioa Alkaizaren bertso sorta batean oinarritutako 'Biziraute saiakera' ikuskizuna aurkeztu dute.

<em>Emakumeak abstrakziogile</em> erakusketako hainbat obra, Bilboko Guggenheim museoan. ©MONIKA DEL VALLE / FOKU

Motibo ez-abstraktuak

Iñigo Astiz

Emakumezko artistek abstrakzioaren historian izan duten lekua aldarrikatzen duen erakusketa bat zabaldu du Bilboko Guggenheim museoak: 'Emakumeak abstrakziogile'. Guztira, 110 artistaren 400 obra baino gehiago bildu dituzte

Jon Bagues, iazko urtarrilean, Eresbileko zuzendari gisa egindako azken agerraldietako batean, Donostian. ©J.C. RUIZ / FOKU

Jon Baguesi emango dio Eusko Ikaskuntzak Manuel Lekuona saria

Ane Eslava - Itziar Ugarte Irizar

Euskal musikaren ondarearen alde eginiko lanagatik sarituko dute Eresbileko zuzendari izandakoa

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.