Albistea entzun

Kronologia

 

Berria -

2012ko ekainak 18 14:19

• 2009ko urtarrilaren 11. D3M hautesle elkartea aurkeztu zuten, Bilbon. Egun berean, Espainiako Fiskaltzak D3M eta 1998an sortutako Askatasunaren zerrendak ikertzeko eskatu zion Poliziari.

• 2009ko urtarrilaren 23a. Baltasar Garzon Espainiako Auzitegi Nazionaleko epailearen aginduz, ezker abertzaleko zortzi kide atxilotu zituen Poliziak: Agurtzane Solaberrieta, Hodei Egaña, Eli Zubiaga, Iker Rodrigo, Arantza Urkaregi, Imanol Nieto, Amparo Lasheras eta Iñaki Olalde. D3Mrekin zerikusia zuten atzemandako lagunek, eta Batasunaren buruzagitza "berreraikitzen saiatzea" egotzi zien epaileak.

• 2009ko urtarrilaren 26a. Zortzi atxilotuak espetxeratzeko agindu zuen Garzon epaileak.

• 2009ko urtarrilaren 31. D3Mk hauteskunde kanpainako lehen ekitaldi nazionala egin zuen Donostian, Kursaalean.

• 2009ko otsailaren 3a. Atxilotuez gain, beste hamahiru lagun inputatu zituen Garzonek.

• 2009ko otsailaren 8a. D3M eta Askatasunaren zerrendak baliogabetu zituen Auzitegi Gorenak, aho batez.

• 2009ko otsailaren 12a. Auzitegi Gorenaren erabakia berretsi zuen Auzitegi Konstituzionalak, hauteskunde kanpaina hasteko ordu batzuk falta zirenean.

• 2009ko otsailaren 17a. D3M eta Askatasunaren jarduera eten zuen Garzonek. D3Mk, halere, kanpaina egin zuen.

• 2009ko martxoaren 1a. Eusko Legebiltzarrerako bozak. 100.000 herritar inguruk aukeratu zuten D3Mren botopapera.

• 2009ko martxoaren 24a. Urtarrileko operazioan atxilotutako zortzi lagunak aske utzi zituzten, 6.000 euroko bermea ordainduta.

• 2009ko irailaren 7a. Hamahiru herritar auzipetu zituen Garzonek —21 inputatu zituen hasiera batean—.

• 2012ko apirilaren 24a. Eusko Legebiltzarretik egotzi egin zituzten D3M eta Askatasuneko gose grebalariak.

• 2012ko maiatzaren 3a. Orduan hasi zen epaiketa, Espainiako Auzitegi Nazionalean, hamahiru lagunen aurka.

• 2012ko maiatzaren 5a. Auziaren aurkako manifestazioa egin zuten milaka lagunek Bilbon. Epaiketa politikoak gelditzeko eskatu zuten.

• 2012ko maiatzaren 17a. Epaiketako azken saioa izan zen. Epaiaren zain geratu ziren. Fiskalak 11 auzipeturentzako kartzela zigor eskaerak pixka bat jaitsi egin zituen, eta birentzat absoluzioa eskatu zuen. Defentsak guztientzat galdegin zuen absoluzioa.

• 2012ko ekainaren 18a. Auzitegi Nazionalak guztiak absolbitu egin ditu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.