Erakusketa

Donostiako Ondarretako espetxeari buruzko erakusketa ireki dute

Kartzelako argazkiak, presoen objektuak, lekukotzak eta hainbat agirik osatzen dute erakusketa; Aieteko kultur etxean dago ikusgai.

Ilargi Agirre -

2012ko irailak 28

Ondarretako espetxeko hainbat irudi, eta objektu biltzen ditu Aieteko kultur etxeko erakusketak. Lekukotza eta historiarekin bideoa eta liburua ere egin dute. Kartzela 1890ean ireki zuten, eskualderako espetxe handi bat sortu nahi zutelako. Hiriko turismoaren hazkundearekin, ordea, eraikina handik kentzeko iritziak ugaritu egin ziren. "Espetxea postaletan ekidin egiten zuten", azaldu du Juan Karlos Izagirre Donostiako alkateak, aurkezpenean. Milaka preso pasatu ziren bertatik; 1931 urteaz geroztik preso politikoak. 1936ko gerratik aurrera frankistek hainbat preso torturatu zituzten; eta gutxienez 600 lagun fusilatu zituztela kalkulatzen da. Guztiak "ahanzturara kondenatuak" egon dira alkatearen arabera, eta erakusketa "aitorpen txiki bat" da.  

Donostiako Udalaren eta Aranzadi Zientzia elkartearen ekimenez osatu dute erakusketa. Juantxo Egaña izan da komisarioa. Lekukotzak biltzeko deialdia egin, eta oso harrera "ona" izan zuten. "Ezkutatuta egon den historia zela pentsatzen genuen; baina gero ohartu ginen ez zegoela ezkutatuta baizik eta gordeta ", adierazi du Iñaki Egaña historialariak. Espetxea 1948an itxi zuten. Eraikineko hormetako zenbait harri jarri dituzte, tartean, erakusketan. Ondarretan bertan kokatuko dituzte, erakusketa amaitu eta gero, oroigarri gisa.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osakidetzako protesta, atzo, Donostiako Amara Berriko osasun zentroaren aitzinean. ©GORKA RUBIO / FOKU

Osakidetzako «sakoneko arazoei» heltzeko eskatu dute sindikatuek

Maddi Ane Txoperena Iribarren

Protestak egin dituzte lehen arretako zentroetan. Langile gehiago eskatu dituzte, eta murrizketetan «galdutakoa berreskuratzea». Osasun Sailak dio «benetako konpromisoa» duela «sendotzeko»

Ikasgela huts bat Hernanin, artxiboko irudi batean. ©JON URBE / FOKU

Gero eta ikasle gehiago daude bakartuta ikastetxeetako kasuengatik

Uxue Rey Gorraiz

Jaurlaritzak esan du 80 ikasgela gehiago itxi dituela; ia 300 daude itxita Hegoaldean. Nafarroak laguntza emozionala emanen die ikasleei

Musukoek begiak estaltzen dituzten garai hauek
PCR probak, Gurutzetako ospitalean. ©Luis Jauregialtzo, FOKU

Gutxitu egin dira egun bakarrean atzemandako kasuak

Uxue Rey Gorraiz

Beste 793 positibo detektatu dituzte Hegoaldean, aurreko egunean baino 14 gutxiago. Ospitaleratzeek ere behera egin dute: 56 gaixo erietxeratu dituzte azken egunean. Hiru gaixo zendu dira, Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna