Euskarazko ipuinak euskarri digital interaktiboan

Mikel Mendibilen 'Zatiketak biderkatuz' lana plazaratu du Luul taldeak, gurasoen banaketari buruzkoa. luul.eu webgunean dago eskuragai. BERRIA euskarazko bertsioaren sustatzailea da.

Berria -

2012ko abenduak 8 09:13

Haurrentzako ipuinak euskarri digital interaktiboan argitaratzeari ekin dio Luul taldeak, Mikel Mendibilek idatzi eta ilustratutako Zatiketak biderkatuz lana plazaratuz. Luul taldearen webgunean dago eskuragai lana (www.luul.eu), 2,17 euroan. Mendibilen ipuina irakurtzeaz gain, irakurleak hark egindako ilustrazioak mugitzeko eta haiekin jolasteko aukera izango du.

Hain zuzen, euskaraz sortutako lehen ipuin interaktiboa da Lizarran sortutako egitasmo hori. Tableta eta telefonoetarako aplikazio bat da; Apple store eta Google play dendatan deskarga daiteke. Durangoko Azokan aurkeztu dute, eta BERRIA da euskarazko bertsioaren sustatzailea.

Haur eta gaztetxoek euskarri digital interaktiboak maiz erabiltzen dituztela baina haietan euskarak oso presentzia urria duela jabetuta daude Luul-eko kideak, eta horrek bultzatu ditu proiektua abian jartzera.

Luul taldeko kideek gizarte ereduaren inguruan duten kezkak isla izaten du plazaratzen dituzten lan guztietan. Zatiketak biderkatuz ez da salbuespena. Gurasoen banaketaren gaia planteatu du egileak, Luulekoen enkarguz. Haur eta gaztetxoek familia eredu desberdinak naturaltasunez ikus ditzatela nahi dute Luuleko kideek.

Mendibilek aurten kaleratutako bigarren ipuina da Zatiketa biderkatuz, apirilean egile beraren Enara ttipia album ilustratua kaleratu baitzien Denonartean zigiluak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Mikel Martinez eta Patxo Telleria antzezleak Cafe Bar Bilbao antzezlan laburren sarien aurtengo irabazleekin ©Aritz Loiola/ Foku

Asier Hernandezek irabazi du Cafe Bar Bilbao antzezlan laburren saria

Amaia Igartua Aristondo

'Kill, Kerra eta karma' lanari esker gailendu da. Gaur egungo hainbat gai umorez jorratzen dituzte Hernandezen obrako pertsonaiek; besteak beste, politika eta euskara batua. Martxoaren 4an, irabazi duen testuaren irakurketa dramatizatua egingo da Bilboko Bira kultur gunean, Lautan Hiru jaialdiaren barruan

Dantzaz kopainiaren '#56' ikuskizuna. ©Dantzaz kopainia
Olatz Salvador musikaria, 'Aho uhal' diskoarekin, gaur, Donostian egindako aurkezpenean. ©Jon Urbe / Foku

Olatz Salvador, ahoan uhalik gabe, ahultasunari kantuan

Ane Eslava

Olatz Salvadorrek bigarren diskoa aurkeztu du: 'Aho uhal'. Hamabi kantuk osatzen dute, eta Rozalen, Ivan Ferreiro eta beste zenbait musikarirekin kolaboratu du.

Ezkerretik hasita, Koldo Saragueta Gipuzkoako kaputxinoen burua, Gillen Mungia tenorra, Josu Okiñena piano jotzailea eta Elena Martinez de Murgia Aita Donostiaren iloba. ©Jon Urbe / Foku

Aita Donostiaren 25 obra argitaragabe berreskuratu dituzte

Amagoia Gurrutxaga Uranga

Josu Okiñena piano jotzaileak eta Gillen Mungia tenorrak Aita Donostia. Gabon kantak diskoan eman dituzte. Ondare Music zigiluak argitaratu die bilduma, eta etzi aurkeztuko dute kontzertuan, 19:30ean, Donostiako Viktoria Eugenia antzokiko Club aretoan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.