Albistea entzun

politika

Sorturen oinarri ideologikoen txostenak 400 zuzenketa jaso ditu

Bihar egingo ditu eratze prozesuko bigarren batzarrak: ildo politikoari dagozkionak.

Berria -

2012ko abenduak 14 17:05

Sortu ezker abertzaleko alderdi politikoak larunbat honetan egingo ditu eratze prozesuko bigarren hiri-herri batzarrak, ildo politikoari dagozkionak, eta Sortuk berak jakinarazi duenez, lehen batzarren ondoren oinarri ideologikoen txostenak 400 zuzenketa alternatibo inguru jaso ditu. Bihar bozkatuko dituzte. "Bozketari begira, 33 arlori egindako 90 zuzenketetan bildu dira", esan du alderdiak.

Nagusiki, hauek izan dira eztabaidagai nagusiak, haren arabera: "Sorturen erreferentzia ezker abertzalean; Euskal Herriaren eta Europako Batasunaren arteko harreman eredua; sozialismoa ulertzeko era ezberdinak; borroka feministaren ekarpenean, praktikan eta emakumearen izaera iraultzailea; eta euskal estatua euskararen normalizazioaren berme?".

Zuzenketa guztiak jasotzen dituen dokumentua eta batzarretan bozkatuko diren zuzenketena sortu.net webgunean daude eskuragarri.

Oinarri ideologikoei buruzko batzarretan Bizkaian 2.200 lagunek hartu zuten parte, Gipuzkoan 2.100ek, Nafarroan 1.100ek eta Araban 600ek. Sei mila lagunek guztira.

Sortuk euskal preso guztiei helarazi zien ponentzia. "Dauzkagun datuen arabera, Frantziako Estatuko espetxeetan dauden presoek arazorik gabe jaso dute ponentzia, baita, orokorrean, Espainiako Estatuko espetxeetan daudenek ere". Aste honetan bigarren ponentzia bidali die.

Otsail amaieran egingo dute Sortu eratzeko kongresua.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Berria

Informazio osagarria

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna