Albistea entzun

selekzioa

"Bengalek ez diote batere laguntzen selekzioaren ofizialtasunari", esan dute zaleen lau taldek

Herri Nortek, Indar Gorrik, Mujika taldeak eta Iraultza 1921ek oharra atera dute abenduaren 29ko Euskal Selekzioa-Bolivia partidako gertakariez. Ertzaintza "neurrigabe" oldartu zela salatu dute.

Bengalak abenduaren 29an, Anoeta estadioan.
Bengalak abenduaren 29an, Anoeta estadioan. / Gari Garaialde/ARP

Berria -

2013ko urtarrilak 8

Herri Norte (Athletic), Indar Gorri (Osasuna), Mujika taldea (Reala) eta Iraultza 1921 (Alaves) zaleen taldeek ez dute ondo hartu abenduaren 29an Euskal Selekzioa-Bolivia lagunarteko futbol partidan jarraitzaile batzuek Anoeta estadioko harmailetatik bengalak bota izana. "Jakitun gara bengalak jaurti izanak ez diola batere laguntzen gure helburuari —hau da, ofizialtasunari—. Horregatik ez gaude ados horiei eman zitzaien erabilerarekin", esan dute ohar batean. Hurrengo baterako halakorik ez dutela nahi azaldu dute.

Donostiako partidan eta haren ondoren Ertzaintzak izandako jokabidea ere txarretsi dute. "Ertzaintzaren probokazioak salatu nahi ditugu, hala nola partida aurretik bake giroan egin ziren ekintzetan erakutsi zuen jarrera, zentzurik gabeko identifikazioak eta probokazioak barne. Argi utzi nahi dugu gertakarien jatorria ez zela bengaletan egon, hainbat zalek Ertzaintzaren eskutik jasan zuten bortizkerian baizik".

Herri Norteren, Indar Gorriren, Mujika taldearen eta Iraultza 1921en arabera, Ertzaintzak "neurrigabe" oldartu ziren, eta, haien ustez, horren froga da hainbat lagun zauritu izana —dozena bat ertzain ere zauritu ziren—. "Harmaila betetzen zuten milaka pertsonen bizia arriskuan jarri zuten [ertzainek]. Tamalez, badirudi Iñigo Cabacas gaztearen hilketatik batzuen jarrera ez dela ezertan aldatu".

Abenduaren 29an ESAITen ekitaldiek izandako "arrakasta" azpimarratu dute. Haiek, "euskal selekzioaren ofizialtasunaren aldeko konpromiso tinkoa" adierazi dute berriro.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©Aritz Loiola / FOKU

«Lehengo futbolariak naturalak ziren; oraingoak itxurak kezkatuta bizi dira»

Ibai Maruri Bilbao - Bizkaiko Hitza

Irratiko lankideen artean San Mamesera joan ohi zen bakarra zelako hasi zen Sara Estevez futbol kronikak idazten. Kirol kazetaritzaren aitzindaria izan da Bizkaiko irratigintzan.

Hodei Ezpeleta, txapelketa irabazi berritan. ©Oskar Matxin, FOKU

Hodei Ezpeletak irabazi du Euskal Herriko Aizkora Txapelketa Nagusia

Uxue Rey Gorraiz

Bigarren urtez segidan izan da garaile txapelketan. Xabier Zalduak egin du bigarren; minutu bat eta 35 segundoren aldea izan da bien artean.

Jon Ander Peña, gaurko partidan. ©Jon Urbe, FOKU

Gazteen ahala eta sasoia

Uxue Rey Gorraiz

Jon Ander Peñaren ausardia eta Jon Mariezkurrenaren erregulartasuna nabarmendu dira partidan. Dena dela, lehia estu-estua izan da. Lau pilotariak aritu dira dotore.

 ©Ali Haider, EFE

Kanpoan da Kanada, eta estualdian Alemania

Uxue Rey Gorraiz

Kopako E taldeko bi partida eta F taldeko beste bi jokatu dira igandean. Gaurko emaitzak aintzat harturik, dagoeneko kanporatua da Kanada, 4-1 galdu baitu Kroaziaren aurka.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...