Albistea entzun

KATALUNIA

Kataluniako Legebiltzarrak burujabetzaren aldeko adierazpena onartu du

Testua CiUk, ERCk, ICV-EUiAk eta CUPeko "baiezko kritikoaren" —baiezko bat eta bi abstentzio— babesa jaso du. PSCko bost diputatuk ez dute botorik eman, eta PPkoek legebiltzarretik alde egin dute botoa eman ondoren. PSCk, PPk, eta Ciutadansek kontrako botoa eman dute: guztitra, 85 boto alde, 41 kontra eta bi abstentzio izan dira.

Berria.info -

2013ko urtarrilak 23

Gaurtik prozesua abian da Katalunian. Orain urrats konkretuen garaia izango da. CiUk, ERCk eta ICV-EEUiAk subiranotasunaren alde hitzartutako adierazpenak aurrera egin du Kataluniako legebiltzarrean: 85 boto alde, 41 kontra, eta bi abstentzio jaso ditu. Ciutadansek eta PPk ezezko botoa eman dute, iragarri bezala, eta CUPek "baiezko kritikoa" eman du, bi abstentziorekin eta baiezko batekin.

PSC alderdiak ere ezezkoaren alde egingo zuela jakina zen, baita bost diputatuk alderdiaren diziplina hauts zezaketela ere, eta halaxe izan da: Angel Ros Lleidako alkatea, Joan Ignasi Elena Avancen korronte kritikoko burua, Rocio Martinez-Sampere legebiltzarreko bozeramaile ohia, Marina Geli Osasun kontseilari ohia, eta Nuria Venture diputatuak ez dute bozketan parte hartu, ez datozelako bat alderdiaren zuzendaritzak hartutako erabakiarekin. PSCren baitan dagoen krisia are ageriago utzi du gaurkoak, eta ikusteko egongo da zer gertatuko den PSOEren aldekoen eta federalisten artean. Pere Navarro idazkari nagusiak bere aginduak bete ez dituztenekin zer egin pentsatu beharko du lehenik.

Testuak autodeterminazio prozesu baterako galdeketa hasteko borondatea jasotzen du, eta horretarako gehiengo zabala lortu du, 135 legebiltzarkideetatik 85en babesa eskuratu baitu, eztabaida saio sutsu baten ondoren. CiUk eta ERCk aurretik egindako testuaren antzekoa da, baina Katalunia estatu propioa bilakatzeko nahia ez da berrian ageri, testu kontsentsuagoa lortzearren. Horren ordez hau ageri da: "Kataluniako herriak, zilegitasun demokratikoa bide,sujetu politiko eta juridiko subiranoaren izaera du".

Kataluniako bandera, Donostiako udaletxean

Parlamentuek gehiengoz hartutako erabakiak "adierazpen demokratikoak" direla nabarmendu du Josu Erkoreka Eusko Jaurlaritzako bozeramaileak, eta, beraz, abegi ona egiten diola bere gobernuak. Martin Garitano Gipuzkoako ahaldun nagusiak, berriz, zorionak eman dizkio "Kataluniako herriari". Donostiako udal ordekariek, berriz, iluntzean Kataluniako bandera bat zintzilikatu dute udaletxearen balkoietako batetik.

Asko balio du irakurri duzun albiste/artikulu honek. Talde baten lanaren emaitza da.

Albiste hau zuri helarazteko eta talde honek bere lana baldintza egokietan egin dezan, BERRIAk ezinbestekoa du zure sostengua.

Zure babes ekonomikoarekin, aldi hau kontatzeko funtzioa betetzen jarraitu nahi dugu: kazetaritza konprometitu, kalitatezko eta independentea egiten.

Albiste gehiago

Pere Aragones eta Salvador Illa, joan den asteazkenean, Kataluniako Parlamentuan. ©Quique Garcia / Efe

Inbestiduraren truke, Sanchezi «erreferendumaren alde» lan egiteko eskatzea babestu du Kataluniako Parlamentuak

Berria

PSCk gaitzetsi egin du bi alderdi independentisten baldintza hori, eta hauteskundeak berriz egiteko arriskuaz ohartarazi du.

Alberto Nuñez Feijoo gaurko inbestidura saioan. ©Sergio Pérez / EFE

Feijook ez du gehiengo soila lortu

Berria

Lehenbiziko bozketan bezala, aldeko 172 boto, kontrako 177 eta baliogabe bat jaso ditu PPko presidentegaiak. 

Sikhak Indiako bandera erretzen Vancouverren. ©ETHAN CAIRNS / EFE

Kanada eta India, liskartuta

Asier Gonzalez de San Pedro

Hardeep Singh Nijjar buruzagi independentista sikharen hilketak garraztu egin ditu Kanadaren eta Indiaren arteko harremanak.

Emmanuel Macron Frantziako presidentea (erdian), atzo, Korsikako Asanblean hitzaldia eman aurretik. ©P. P.-C. / EFE

Macronek «autonomia» eskaini dio Korsikari, berezitasuna aitortuta

Edu Lartzanguren

Frantziako presidenteak proposatu du uhartea komunitate «historiko» eta «kultural» gisa aitortzea. Konstituzioa moldatzeko prest agertu da

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoari esker, gure funtzioa betetzen jarraituko dugu egunero:
jendearen galdera eta kezkekin bat egingo duen kazetaritza bat egiten.