Albistea entzun

Soslaia: Benedikto XVI.a

 

Berria -

2013ko otsailak 11 13:39

"Juan Pablo II Aita Santu handiaren ondoren, kardinalek ni aukeratu naute, Jaunaren langile umil bat". Halaxe adierazi zuen Benedikto XVI.ak 2005eko apirilaren 19an, kargua hartzeko ekitaldian. Elizak duen 265. Aita Santua da. Seigarren Aita Santu alemaniarra da; lehena Víctor II izan zen.

Bigarren Mundu Gerran aritu zen, alemanen hegazkinen aurkako zerbitzuan. Freisingeko Filosofia eskolan egin zituen ikasketak eta teologian doktore izan zen Municheko Unibertsitatean; irakasle gisa aritu zen beharrean. 1951an egin zuten apaiz.

Eliza katolikoaren ortodoxiaren zaintzaile sutsua izan da. Hori horrela, bere aukeraketak kritika ugari sortu zituen, neo-kontserbadoretzat jo zuten eta hainbatek zioten berarekin Elizak gogortu egingo zuela bere jarrera hainbat gairen inguruan: abortuaren debekua, eutanasia eta homosexualitatea, esaterako.

Aldekoak ere izan ditu, ordea. 2005ean bertan Colonian (Alemania) gazteen hainbat taldek egin zuten bilgunean babes zabala jaso zuen. 2007an 2.830.100 lagun bildu ziren euren agerraldietara Vatikanon eta Castelgandolfon.

Nazioartean kritika

Kargua hartu zuenetik hainbatetan agertu da kritiko nazioarteko zenbait auziren gainean. Mahomaren karituren kasua gogor salatu zuen, eta bakea eta elkar ulertzea lortu ahal izateko beharrezkotzat jo zuen "erlijio eta sinbolo guztiak errespetatzea".

Irango gatazka nuklearrari irtenbide baketsu bat emateko deia ere egin zuen, eta estatu palestinar baten alde agertu zen.  George W. Bushek tropak Irakera bidaltzeko erabakiari "justifikaziorik gabea" iritzi zion.

Bidaiak eta argitalpenak

Lehen bidaia ofiziala Aita Santu gisa Barira (Italia) egin zuen, 2005eko maiatzaren 29an. Hogeiren bat bidai egin ditu Italiatik, azkena 2012ko urrian Loretora. Atzerrian ere hainbat herrialdetan egon da: Alemania, Polonia, Espainia, Turkia, Brasil...

2005etik hainbat argitalpen egin ditu: entziklikak, apostolu-aholkuak eta baita liburuak ere. 2007tik 2012ra gutxienez hiru liburu idatzi zituen Jesusen bizitzaren gainean.

 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna