Albistea entzun

MUSIKA

Josetxo Ezponda hil da

Los Bichos taldeko abeslari eta burua izan zen, eta beste hainbat proiektutan ere hartu zuen parte.

Mikel Lizarralde -

2013ko apirilak 16

Aitzindari ez ezik, rara avis bat ere izan zen Josetxo Ezponda bere garaian. Euskal Herrian rock erradikala eta Iruñean "kaleko rocka" deitu zena nagusi zirenean, Ezpondak oso bestelako nahiak erakusten zituen. Lou Reed, Kim Salmon eta Captain Beefharten miresle, glam estetikaren jarraitzaile, Australiako rockari estuki lotua eta bere belaunaldiari aurreratua, artean Euskal Herrian oso gutxitan aipatzen ziren erreferentziekin osatu zuen bere mundua musikari nafarrak. Denborarekin Ezponda bera bilakatuko zen beste talde askoren erreferente nagusietakoa, nahiz eta gutxi iritsiko ziren haren nortasuna lortzera.

Los Bichos taldeak egin zuen ezagun, baina 70eko hamarkadaren amaieratik zeraman Ezpondak bere bide propioa egiten. Aurrena Tension punk taldean aritu zen, eta ondoren Neon Provosekin. 1987an, berriz, Los Bichos sortu zuen Charlie (gitarra) eta Asio (baxua) aspaldiko lagunekin. Hirurak Neon Provosen aritutakoak ziren, eta Fermin (bateria) gehitu zitzaien.

Los Bichosen ibilbidea laburra bezain intentsitate handikoa izan zen, eta hiruzpalau urtetan eman zuen eman beharreko guztia. Colour Hits (1989) eta In Bitter Pink (1991) diskoak kaleratu zituen, biak Oihuka diskoetxearekin, eta prentsa espezializatuaren aldetik oso harrera ona izan zuen, nahiz eta Euskal Herrian segitu zuen izaten talde nahiko ezezaguna. The Worst Around diskoa partekatu zuen beste hiru euskal talderekin (Cancer Moon, La Secta eta La Perrera), baina Los Bichosen emari diskografikoa ez zen gehiago handitu. In Bitter Pink kaleratu zuen urte berean, Ezponda bakarlari gisa ere estreinatu zen (My Deaf Pink Love), eta 1995ean jarraipena emango zion, orduan El Bicho izengoitiarekin (The Glitter Cobweb). 

Orain dela urte gutxi batzuk, Munster diskoetxeak Los Bichosen antologia osatu zuen disko liburu bikoitz batekin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

2003. urtean heldu zen azoka Landakora, eta hor finkatu du egoitza. ©ARITZ LOIOLA / FOKU

Salbuespenean salbuespen

Itziar Ugarte Irizar

Elizpean hasi eta Landakora heldu, mende erdi pasako bidean 'liburu eta disko azokaren' etiketa galdu, eta «kultur plaza» bihurtu da azoka. Garai «gozoenean» iritsi da «atzerapausoa» batzuentzat
Gizon bat, eskailera azpian ezkutatuta, irakurtzen. ©ARITZ LOIOLA / FOKU
Diskoez haragoko hamaika formatu topatu daitezke egunotan Durangoko Azokan. ©ARITZ LOIOLA / FOKU

Diskorik entzuten ez dutenei diskoak saltzea

Iñigo Astiz

Durangoko Azokan argi ikusten da musikagintzaren sektoreak formatuekin duen korapiloa: egun, sarean entzuten du jende gehienak musika, eta formatu fisiko berrien bila dabiltza sortzaileak
 ©ARITZ LOIOLA / FOKU

«Musikan eztanda bat dago: izen interesgarri asko ari da ateratzen»

I. Ugarte - A. Sarasola

Musikaren ikuspuntutik begiratu diote azokari, eta, haren bidez, egungo eszenari. Garai politean ikusten dute, batez ere belaunaldi berrien eskutik.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.