Albistea entzun

Mapa interaktiboa. Frankismoan preso batailoiei eginarazi zizkieten lanak.

 

Berria -

2013ko maiatzak 8

Fernando Mendiola Gonzalo Nafarroako Unibertsitate Publikoko irakasleak hainbat lan egin ditu gatibu batailoiei frankismoan eginarazi zizkieten lanei buruz. Memoriaren bideak elkarteak lortutako datuekin osatu ditu hainbat azterlan. Lan horien emaitza da mapa interaktibo honek erakusten duena.

Mapan markatutako puntuetan klik eginez, irakur liteke presoei zer lan eginarazi zizkieten, noiz, eta zer batailoietan edo enpresetan aritzera behartu zituzten.

Zerrenda guztiz osatu gabe dago, baina era askotako lanak eginarazi zizkietela ikusten da Mendiolak eta Memoriaren bideak taldeek egindako lanean. Nafarroa iparraldean eta Gipuzkoa eta Lapurdi arteko mugan errepide asko eginarazi zizkieten, mendateak irekiz, eta gotorlekuak ere jaso zituzten.

Gainontzean, hainbat tailer eta lantegitan eduki zituzten presoak lanean, eta berreraikuntza lan batzuk ere eginarazi zizkieten. Trenbide batzuetan ere jarri zituzten lanean.

Gerra hastearekin hasi ziren presoak lanera derrigortzen, baina 1938an hasi zen presoen lan indarra erabiltzeko joera zabaltzen. 1940ko hamarkada erdirako asko urritu ziren era horretan eginiko lanak, baina 1950eko hamarkadan ere hainbat lan egin zituzten gatibuak behartuta.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.