Albistea entzun

ARKEOLOGIA

Neanderthal garaiko gizakiak eginiko tresnak aurkitu dituzte Praileaitzen

Haitzuloan aurkitutako objektu zaharrenak duela 12.000-17.500 urtekoak ziren, eta joan den irailean aurkitutako harrizko tresnak duela 40.000-120.000 urteetakoak dira. Horrek esan nahi du Cro-Magnongo gizakiaren aurreko aztarnak aurkitu dituztela arkeologoek, Neanderthal garaikoak hain zuzen.

Igor Susaeta -

2013ko maiatzak 10 21:12

Joan den irailean eta azaroan egin zituzten indusketak, bi hamabostalditan banatuta. Debako (Gipuzkoa) haitzuloko hiru espaziotan egin zituzten: atarian, mendebaldeko galerian eta barneko bigarren gelan. Datorren irailean gune horietan sakontzen jarraituko dutela jakinarazi du Xabier Peñalver arkeologoak. Langintza horretarako Gipuzkoako Foru Aldundiak 30.000 euro bideratuko dituela adierazi du Ikerne Badiola Kultura diputatuak (iaz 33.203 euro eman zituen diputazioak).

Badiolak, gainera, Praileaitzen babes maila handitzeko eskatu dio Eusko Jaurlaritzari. "Ez da nahikoa inondik ere; are gutxiago Espainiako Kongresuak Kosta Legea aldatu duenean". Hala adierazi zion Jaurlaritzari iazko ekainaren 7an, Praileaitz babesteko abian jarritako espedienteari alegazioak aurkezterakoan. Bi aldaketa planteatu ditu diputazioak. Batetik, Praileaitz I haitzuloaren perimetro babesa 65 metrotik 100 metrora handitzea, eta babes handiko zona horretan Deba ibaiaren ondoko mendi magala sartzea, haitzuloaren paisaia kulturala mantentzeko. Eta bestetik, eremu hori Ondare Legearen bidez babestea, eta ez soilik Kosta Legearen bidez, egun gertatzen den bezala

Izan ere, herenegun Espainiako Kongresuan onartutakoaren arabera, itsasadarretan babes zortasuna 100 metrotik 20ra pasa ahal izango da Gipuzkoako eta Bizkaiko kostaldean, udalek hala eskatuz gero.

Badiolak eskatu dio Jaurlaritzari "ausart" jokatzeko, eta Praileaitz babesteko neurriak "berehala" hartzeko, "ondarea interes ekonomikoen gainetik jarriz".

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Miren Agur Meabe saritutako lana aurkeztu zuen egunean ©Jagob Manterola/Foku

Miren Agur Meabek Espainiako Poesia Saria irabazi du

Iñigo Astiz

‘Nola gorde errautsa kolkoan’ liburuagatik saritu dute egilea, eta 20.000 euro jasoko ditu. Euskarazko liburu batek sari hori jasotzen duen lehen aldia da

Miren Agur Meabe. ©Monika del Valle / Foku

«Gorputzaren idazketatik aldentzen ari naiz; horren isla da liburua»

Aitor Biain

Pozik eta hunkituta jaso du Espainiako Poesia Sariaren berria Miren Agur Meabek (Lekeitio, Bizkaia, 1962). Bidaide izan dituen guztiei eskaini die.

Donostiako Zinemaldia | Laburpena, irailaren 20a

'Vous ne désirez que moi', 'Distancia de rescate' eta 'Crai nou' filmen aurkezpena

BerriaTB

Donostiako Zinemaldiko laugarren egunaren bideo laburpena.

Maria Valverde, Clara Llosa, Samanta Schweblin eta Dolores Fonzi, gaur, Donostian. ©Jon Urbe / Foku

Amatasunaren hariak eta izuak

Ainhoa Sarasola - Mikel Lizarralde

Claudia Llosak Distancia de rescate filma erakutsi du Sail Ofizialeko lehian. Vous ne désirez que moi (Claire Simon) eta Crai Nou (Alina Grigore) pelikulak ere aurkeztu dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna