Alkorta babestu dutenak zoriondu dituzte, "amorrua eta ezinegona indar eraikitzaile bihurtzeagatik"

 

Berria -

2013ko maiatzak 15

Ertzaintzak Urtza Alkorta atxilotuta eraman ondoren prentsaurreko bat egin dute ehunka herritarrek Ondarroan. Alkorta babesteko giza hesia osatu dutenei eskerrak eman eta zoriondu egin dituzte,  "amorrua eta ezinegona indar eraikitzaile bihurtzeagatik". Halaber, nabarmendu dute Aske Guneak "bakearen eta konponbidearen aldeko zubi lana" egin duela.

Bizitako uneen eraginez hunkituta daudela nabarmendu dute. "Korapilo mingarria" eragin die Alkortaren atxiloketak, "Euskal Herriaren konponbidearen aldeko langile fina delako", eta "kartzelaratze politikoa" izan dela adierazi dute: "Estatuak min ematen besterik ez daki".

"Urtza bera buru izanik, jakin dugu amorrua eta ezinegona indar eraikitzaile bihurtzen, elkartasuna gorpuzten, egunean 24 orduz. Eta horregatik pozik gaude", azaldu dute. Donostiako Aske Gunea ere gogoan izan dute: "Donostian eraikitzen hasitako herri harresiari Ondarroako partea erantsi diogulako ere pozik gaude, bakearen eta konponbidearen aldeko zubi lana egin baitugu".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna