Noiz sortua: 2013-05-31 16:43:37

euskal presoak

'Parot doktrina' amaitzeko asmoz, 'Herritarron epaia' egingo dute

Herrira-k antolatutako ekintza 80 herritara helduko da. Herritarrek txosten batean doktrina amaitzeko eskaera egingo dute. Eta ondoren, herri guztietatik pasatu ostean, Europako erakundeei eta nazioarteko hedabideei helaraziko diete.

Herrira-ren agerraldia.
Herrira-ren agerraldia. / Idoia Zabaleta/ARP

Berria -

2013ko maiatzak 31

Herrira mugimenduak, Parot doktrina desagertzeko asmoz, Herritarron epaia izenpean Euskal Herri osoan ekintza bera egingo duela jakinarazi du. Herritarrek Europako erakundeei eta nazioarteko hedabideei zuzendutako testu bat idatziko dute, euren nahia azalduz. Ekintza ibiltaria izango da, eta Euskal Herria zeharkatuko du. "Epai handi hau gizartearen borondatearen testigantza izanen da, herriz herri adierazia eta Europako erakundeei eta nazioarteko komunitateari zuzendua".

Testuaren lehenengo orriak Tafallan idatziko dituzte, Udaletxe plazan ekainaren 8an eguerdian egingo duten ekitaldi batean. Handik, beste 80 herritara joango da testua, eta herri horietan nahi dutena gaineratuko dute. Azken geltokia Iruñeko Anaitasuna pabiloia izango da, irailaren 14an. Bertan, epaiaren azken orriak idatziko dituzte, eta, ondoren, Europako erakundeei helarazi.

Ines del Rio euskal presoaren kasua ekarri dute gogora ekintzaren aurkezpenean. Estrasburgoko Giza Eskubideen Auzitegiaren esku dago egun erabakia. Baina Herrira-k nabarmendu du epaia "emanda" dagoela, Estrasburgok 2012ko uztailean esan zuelako Del Riok kalean behar zuela. Eremu sozialean ere euskal gizarteak behin eta berriz giza eskubideen errespetua eta salbuespen neurrien bukaera eskatu duela aldarrikatu dute. Ez dute ebazpenaren zain egoteko "asmorik". Horregatik, martxan jarriko dute ekintza. "Guztion artean mezu argia bidali behar diegu Frantziako zein Espainiako estatuei, baita nazioarteko komunitateari ere: konponbidearen alde egiteko garaia da; eman diezaiogun aukera bat bakeari".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Azkeneko 24 orduetan COVID-19 gaitzak ez du inor hil du Euskal Herrian, eta hamasei positibo atzeman dituzte PCR probekin. Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Gazte bat Iruñeko igerileku batera sartzen, joan den astean. ©IDOIA ZABALETA / FOKU

Bi lagun hil dira eta bertze hogei positibo atzeman dituzte Euskal Herrian

Maddi Ane Txoperena Iribarren

Detektatutako azken kasuetatik bosna daude Araban, Bizkaian, Gipuzkoan eta Nafarroan. Baliteke batek lotura izatea Orioko kasuekin

Produktibitatea
Hainbat pertsona Iruñean, maskarak jarrita dituztela. ©IÑIGO URIZ / FOKU

Nafarroan 10.351 pertsonak pairatu dute gaitza, gobernuaren arabera

Igor Susaeta

Hego Euskal Herrian bost pertsonak eman dute positibo PCR proban. Murgarentzat, orain ez dago «transmisio komunitariorako arriskurik»

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna