iheslariak

"Izugarriko xantza irekitzen digute ekainaren 15eko ekitaldiarekin"

Iheslarien kolektiboak batzarrera deitu du hilaren 15ean Miarritzen. Deialdiaz jardun dira Jon Irazola eta Jokin Aranalde.

Berria -

2013ko ekainak 7

Bi iheslariak elkartu zituen BERRIAk, eta ekainaren 15eko deialdiaz jardun ziren, labur.

Jon Irazola: "Ekainaren 15ean Miaritzen izango dugu egun handi bat. Iheslarion kolektiboan gaudenak aukera izango dugu Euskal Herriaren aitzinean, bai nazioartean, gure problematika, gure historia, gure nahiak plazaratzeko aukera izanen dugu".

Jokin Aranalde: "Zalantzarik gabe. Pentsatzen dut Aieteko adierazpena eta gero, aro berri bat ireki dela herri honetan, eta gu ere ohartu ginen kolektibo bezala, guretzako ere aro berri bat irekitzen zela. Hausnarketa sakona egin dugu. Jendea ohartu behar da kolektibo zabala garela, ez garela bakarrik hemen bizi garenak, baizik kontinente guztietan, baldintza gogor eta zailetan. Bi estatuek ez digute lagundu, kolektibo honek bere errealitatea mahai gainean jartzeko eta bere problematika azaltzeko, ze urrats ikusten ditugun, nola ikusten dituen gatazka konpontzeko urratsak... Nire ustez izugarriko xantza irekitzen digute ekainaren 15eko ekitaldiarekin, eta uste dugu gure errealitate guztia jarriko dugula mahai gainean. Nahi genuke agenda internazionalean jasotzea errealitate hori eta pertsonalitateek lana egin dezaten".

Irazola: "Gure helburua izango da beraz, gure erealitate gris honetatik ateratzea, ikustezin honetatik ateratzea. Hori da gure arazoa askotan. Gatazka honetan zoritxarrez hitzegiten da heriotzez, presoez, baina iheslariez arras gutxi hitzegiten da. Baina konponbidea aurrez aurre dugularik, horretan elementu guztiak beharko ditugu mahai gainean jarri, eta horien artean ehundaka iheslari horien itzulera. Horregatik aukera izanen dugu, eta eskerrak eman beharko dizkiegu, baita agintari eta instituzioei, gure problematikan begi bat ezarri eta soluzioak atzemateko bidean aukera bat ematen digutelako".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.