Albistea entzun

Euskal Herria

Euskal Iheslari Politikoen Kolektiboak mintzaidetza taldea aurkeztu du Baionan

Euskal iheslari politikoen kolektiboak Espainia eta Frantziari eskatu diete iheslarien ordezkariekin biltzeko, Euskal Herriak pairatzen duen arazo politikoari konponbidea aurkitu eta, ildo horretan, iheslarien beren egoerari aterabidea atzemateko.

Iheslarien kolektiboaren agerraldia, gaur.
Iheslarien kolektiboaren agerraldia, gaur. / Nicolas Mollo

Aitor Renteria -

2013ko ekainak 12 12:55

Mintzaidetza aniztuna dela azpimarratu dute, iheslarien errealitateak beharturik. Honako hauek izanen dira ordezkariak: Tomas Linaza (Cabo Verde), Alfontso Etxegarai (Sao Tome), Raquel Garcia (Belgika), Josu Lariz (Uruguai), Josu Txutxo Abrisketa (Kuba), Eloi Uriarte, Lurdes Mendinueta, Jokin Aranalde, Jon Irazola, Oxel Azkarate, Jon Garmendia Txuria, Xabier Miguel Ezkerra, Xabier Arin eta Idoia Espias (Ipar Euskal Herria).

Baionan egin duten agerraldiak bi xede zituen: batetik, ordezkaritza hori aurkeztu, eta, bigarrenik, sostengua adierazi hainbat eragilek larunbat honetarako Miarritzeko Irati aretoan antolatu duten Elkartasun Hatsa izeneko ekitaldiari.

Iheslariak bertan izanen direla azpimarratu dute, eta, bide batez, konponbidearen ildoan haiek osatu duten bide orria mahai gainean ezarriko dutela. Iheslarien ekarpena urteetako hausnarketa eta eztabaidaren ondorioa dela nabarmendu dute, iheslarien sakabanaketak beharturik. Eztabaida horren emaitza historikoa dela erran dute, lehen aldiz mintzaidetza taldea dutelako iheslariek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.