Albistea entzun

Lan itunak

Akordiorik lortu gabe amaitu da sindikatuen eta Confebasken bilera

Lan itun ugari iraungiko dira gaurko bileran akordiorik egon ez delako. Sindikatuek gogor kritikatu dute patronalaren jarrera.

LABeko ordezkariak.
LABeko ordezkariak. / M. Ramirez/ARP

Xabier Martin -

2013ko uztailak 5 17:59

Uztailaren 7a, igandea, egun garrantzitsua izango da lan harremanen historian, Espainiako lan erreformak eraginda 300.000tik gora langilek euren itunak galtze bidean daude Hego Euskal Herrian, gaurko bileran sindikatuak eta patronala ez direlako adostasunera iritsi. Iraungitako hitzarmenak indarrik gabe geratzea beste aukerarik ez zegoela ematen zuen atzo arte, eta hori ekidin nahian, etsi-etsiko aukera zabaldu zuen atzo Urkullu Jaurlaritzako lehendakariak Confebask eta haren bazkide Adegi (Gipuzkoa), SEA (Araba) eta Cebek (Bizkaia) patronalekin bilera egin eta gero. Langileak, berriz, kalera atera ziren hamaikagarren mobilizazioan erreformak betiko lurperatu nahi dituen lan baldintzen alde, itun kolektibo eta enpresa itunen alde. 

Urkulluk arau indarra izango lukeen sektore arteko akordioa proposatu zuen, lan erreformak finkatzen duen urtebeteko ultraaktibitatea saihestu eta mugarik gabe egiteko. Lan Harremanen Kontseilura igorri zuen idatzia, sindikatuek eta patronalak negozia zezaten. Eta horretan egon dira gaur goizean. LHKren Bilboko egoitzan hasi da batzarra, 11:00etan. Batetik, aurretik aipatutako enpresaburuen elkarte horiek guztiak izan dira bertan, eta, bestetik, LAB, CCOO eta UGT sindikatuetako ordezkariak, LHKn izendatuta daudenak. ELAk uko egin zion LHKn egoteari. 

Sindikatuen eta Confebasken arteko azken bileran ez da adostasunik egon. Lokarri askaezina dirudi Espainiako lan erreformak Euskal Herrian eragin duen lan arazo eta arazo sozialak;  sindikatuek eta patronalak akordiorik lortu ez dutelako. Azken asteetan izandako jarrerari eutsi dio patronalak. Adegik, esaterako, garbi utzi du lan erreformaren aplikazioa nahi duela, "indarrean dagoen legedia", eta edozein kasutan ere, urtebeteko ultraaktibitateari eta itunak urratzeko aukerari ez diela uko egingo, erreformak jasotzen dituelako; "horiek dira lerro gorriak", esan zuten aurreko astean. Sindikatuek, berriz, ez dute onartu enpresek itunak urratzeko ahalmena gordetzea, kasu horretan sektore arteko akordio orokor hori ez litzatekeelako derrigorrez bete beharreko gutxienekoa, eta enpresek soldatak (adibidez) jaisteko bidea zabalik izango luketelako. Adostutakoa betetzeko derrigortasuna nahi dute sindikatuek ,alegia, eta derrigortasun hori ez du onartu patronalak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Sindikatuen banderak Hezkuntzako langileen manifestazio batean, iragan azaroan. ©Marisol Ramirez / Foku

ELA garaile hauteskundeetan, azken urtean indarra galdu arren

Iker Aranburu

Mitxel Lakuntzaren sindikatuak Hego Euskal Herriko ordezkaritzaren %36,08 dauka. Oso atzean ditu CCOO (%19,99) eta LAB (%18,95), baina hori da 2018ko azken epealdi trinkotik ordezkaritza handitu duen bakarra.

Lanbideren bulego bat, Errenterian (Gipuzkoa) ©Andoni Canellada (Foku)

Enplegua galduz hasi da urtea Hego Euskal Herrian

Jokin Sagarzazu

Lanbidek eta Lansarek 2.495 langabe gehiago erregistratu dituzte, ia denak emakumeak. Gizarte Segurantzan afiliatutakoen kopuruak ere behera egin du: 12.237 gutxiago.

Christine Lagarde EBZko presidentea, gaur. ©FRIEDEMANN VOGEL / Efe

EBZk %3ra igo ditu interesak, eta martxoan %3,5era iristeko asmoa du

Iker Aranburu

Eurogunea atzeraldian ez sartzeak eta inflazioa jaisteak ez du banku zentrala iragarritako bidetik atera. Interes tasak mugatik «urrun» daudela esan du Lagardek

Carolina Perez Toledo Cebekeko presidentea eta Fancisco Azpiazu idazkari nagusia. ©Monika Del Valle / FOKU

Cebekek enpresen lehiakortasuna handituko duen zerga erreforma bat eskatu du berriz

Imanol Magro Eizmendi

Bizkaiko patronala «absentismo» handiaz kezkatuta dago, baina onartu du langileen zahartzeak eragina duela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...