Noiz sortua: 2013-09-16 19:06:38

MUNDUA

Siriako eraso kimikoa "gerra krimen bat" dela esan du Banek

NBEko idazkari nagusiak Ghutako erasoaren egileak justiziaren aurrera eramateko eskatu du. Ikertzaileek txostenean diote frogak "argiak eta sinesgarriak" direla, baina ez diote inori leporatu erantzukizuna.

Berria.info -

2013ko irailak 16

NBE Nazio Batuen Erakundeko ikertzaileek Sirian arma kimikoak erabili direla frogatutzat jo dute. "Misioak ondorioztatu du arma kimikoak eskala handian erabili zirela Ghutako eremuan, Damaskon, Siriako gerra zibilaren testuinguruan. Erasoak hildako asko eragin zituen, zibilak gehienak", adierazi du Ban Ki-moon NBEko idazkari nagusiak, txostenaren aurkezpenean. Ikertzaileen arabera, jaurtigaietan sarin gasa bota zuten. Banek esan du "gerra krimen bat" izan zela, eta erantzuleak justiziaren aurrera eramateko eskatu du. Aurrez jakinarazia zuen bezala, ordea, ez diote inori egotzi erasoaren erantzukizuna.

Ikertzaileen txostena Interneten dago irakurgai NBEko desarme gaietarako bulegoaren webgunean. Banen arabera, 1988tik egindako eraso kimiko handiena izan da Ghutakoa. 1988an, Irakeko armadak 5.000 lagun inguru hil zituen Halabjan, Kurdistan hegoaldean. Ghutako erasoa, berriz, joan den abuztuaren 21ean gertatu zen. Gobernuak eta oposizioak elkarri egotzi zioten erasoa.

Dokumentua "ikaragarria" izango zela iragarri zuen Banek joan den ostiralean. Halaber, Baxar al-Assad Siriako Gobernuko presidenteak "gizateriaren aurkako krimen asko" egin dituela gaineratu zuen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 4an eguneratua. ©BERRIA

Koronabirusaren azken datuak

Berria

Azkeneko 24 orduetan zortzi lagun hil dira COVID-19 gaitzaren eraginez. Bederatzi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.607 gaixok eman dute positibo guztira, koronabirusa atzemateko probaren bat eginda. Horietatik 2.086 hil dira. Grafikoak, albiste barruan.

Maria Txibite, Manu Aierdi eta Elma Saiz kontseilariekin parlamentutik ateratzen. ©Idoia Zabaleta, Foku

Mugaz bi aldeetako bidaiak errazteko eskatu du Nafarroako Parlamentuak

Berria

Navarra Sumaren abstentzioarekin eta bertze alderdi guztien baiezko botoarekin onartu dituzte neurriak. Bertzeak bertze, 50.000 eurorainoko diru laguntzak onartu dituzte kultura ogibide dutenentzat, eta alokairua ordaintzeko diru laguntzak hamabi hilabetez luzatuko dizkiete autonomoei eta aldi baterako enplegu erregulazioan daudenei. 

Martin Ugalde Foroa: Euskara ere normalitaterantz?

Euskararen lekuaz normaltasun berrian, Martin Ugalde Foroan

Berria

Josu Amezagak, Idurre Eskisabelek eta Amelia Barquinek hartu dute parte Kontseiluak sustatutako mahai inguruan, Andoainen. BERRIAn osorik ikusteko aukera dago.

Elkarrizketa: Ana Galarraga eta Miren Basaras

«Zabaltzen jarraitu behar dugu ez dakigula benetan zer gertatuko den»

Jakes Goikoetxea

Asko dakite SARS-CoV-2 birusari eta COVID-19aren izurriteari buruz, baina, asko jakinda ere, zuhurtziaz jokatzen dute, ez baitakite zer gertatuko den epe laburrean eta luzera begira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna