Politika

"Indarrak pilatzera" deitu du iheslarien kolektiboak, prozesua elikatzen jarraitzeko

Espainiako eta Frantziako gobernuen jarrera salatu du EIPK-k, "salbuespen neurriak" bertan behera utzi beharrean nazioartean "presioa handitzen" ari direlako eta euroaginduaren moduko mekanismoekin "jazarpenari" eusten diotelako.

Berria.info -

2013ko irailak 30

EIPK Euskal Iheslari Politikoen Kolektiboak “indarrak pilatzera” deitu du, konponbide prozesua elikatzen jarraitzeko eta hura “azken bururaino” eramateko. Agiri batean, EIPK-k berretsi egin du ekainaren 15ean Miarritzen eginiko ekitaldian esandakoa: prozesua bultzatzeko konpromisoa agertu du, eta horretan “buru-belarri” ari dela azpimarratu, “munduan zehar barreiatuta dauden lagunekin loturak estutzen, nazioarteko eragileei hemengo egoeraren berri emanez eta euskal jendarte zein eragileekin harremanak trinkotzen”.

Iheslarien kolektiboak, baina, gogor kritikatu du Espainiako eta Frantziako gobernuen jarrera. Aldebiko prozesurik garatu nahi ez, eta, gainera, prozesua “lokaztu” nahi izatea leporatu die. Besteak beste, salatu du iheslarien aurkako “salbuespen neurriak” bertan behera utzi beharrean nazioartean “presioa handitzen” ari direla eta euroaginduaren moduko mekanismoekin “jazarpenari” eusten diotela. Kolektiboak adibide moduan jarri ditu irailaren 20an Venezuelan atxilotu zuten Asier Guridiren kasua, ostiralean Frantziatik Espainiara estraditatu zuten Patxi Segurolarena eta Miarritzeko ekitaldiaren biharamunean kolektiboaren bozeramaile Jokin Aranalderen aurkako euroaginduaren onarpena. “Prozesua azken bururaino eramateko indarra pilatu nahi dugulako, errepresioa dugu ordaina”, salatu du kolektiboak.

Egoerari buelta emateko, EIPK-k uste du beharrezkoa dela herritarren “aktibazioa” eta nazioarteko komunitatearen ekarpena. Kolektiboak, bere aldetik, urrats gehiago iragarri ditu. “Etorkizuna modu partekatuan eraiki nahi dugu, iraganeko egia osoa ezagututa eta jendarte berri batentzat baldintza eta oinarri demokratikoak jarrita. Guk ariketa horretan parte hartzeko prestutasun osoa dugu”.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Sindikatuen protesta, gaur, Donostiako Amara Berriko lehen arretarako zentroan. ©Gorka Rubio / FOKU

«Sakoneko arazoei heltzeko» eskatu diote sindikatuek Osakidetzari

Maddi Ane Txoperena Iribarren

Azken urteotako murrizketek «osasun publikoaren ahultze kezkagarria» ekarri dutela salatu dute SATSE, ELA, LAB, SME, CCOO, UGT eta ESK sindikatuek lehen arretako zentroetan egindako protestetan. Eusko Jaurlaritzako Osasun Sailak eta Osakidetzak erantzun diete osasun publikoa «sendotzeko konpromisoa benetakoa eta erabatekoa» dutela.

PCR probak, Gurutzetako ospitalean. ©Luis Jauregialtzo, FOKU

Gutxitu egin dira egun bakarrean atzemandako kasuak

Uxue Rey Gorraiz

Beste 793 positibo detektatu dituzte Hegoaldean, aurreko egunean baino 14 gutxiago. Ospitaleratzeek ere behera egin dute: 56 gaixo erietxeratu dituzte azken egunean. Hiru gaixo zendu dira, Nafarroan.

Ikasgela huts bat, artxiboko irudi batean. ©Jon Urbe, FOKU

Jaurlaritzak 80 ikasgela itxi ditu egun bakarrean

Uxue Rey Gorraiz

172 ikasgela daude itxita Araban, Gipuzkoan eta Bizkaian. Guztira 111 ikastetxetan dute eragina itxiera horiek.

Mekanikari bat lanean, iragan apirileko irudi batean. ©Jon Urbe / FOKU

Ekonomia %19,5 jaitsi da bigarren hiruhilekoan, aurreikusi baino pixka bat gutxiago

Imanol Magro Eizmendi

Langabezia datuetan ere arindu egin dira uztailean eginiko aurreikuspenak: %17,2 izan zen tasa

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna