Ingurumena
Baiona jendez bete du Alternatiba Egunak
Klima aldaketari buruzko xehetasunak eta hari aurre egiteko moduak eta jarrerak ezagutzeko aukera izan zen atzo Lapurdiko hiriburuan. Milaka lagun bildu zirela jakinarazi dute antolatzaileek.
Baiona Ttipiko kaleak jendez gainezka egon ziren atzo, mahai inguru, hitzaldi eta ikuskizunez gozatzera joandako jendeak hartuta. Finantza erakundeen mezu ekologikoen atzean ezkutatzen diren helburuei buruzko informazio sorta eman zuten atzo, besteak beste: herritarren dirua industria kutsagarrietako baliatzen dutela-eta, nora bidera dezaketen herritarrek beren dirua.
Fiare banku etikoa, Blue Bees garapen bidean diren herrialdeetako enpresari txikien elkartea eta Ipar Euskal Herrian bertako ekonomia sustatzeko proiektua izan ziren mintzagaietako batzuk.
Natura errspetatzeko etxetik hasten diren eginbeharretarako hamaika aholku ere eman zituzten antolatzaileek. Haurrentzako ingurumen heziketa txokoa ere izan zen.
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
