Igeldoren erabakia errespetatzearen alde, donostiarren sinadurak biltzen hasi dira

'Donostiarrak garelako' izenburuarekin igeldoarren erabakiaren aldeko adierazpena jarri dute sarean.

Berria -

2014ko otsailak 11

Donostiarrakgarelako.com webgunean jada hainbat lagunek sinatu dute adierazpena, eta donostiarrei dei egin diete sinatzera. "Demokrazia maite dugulako, igeldotarren iritzia errespetatzea nahi dugu", diote adierazpenaren hasieran. "Igeldotarrek independenteak izan nahi badute, ez badute donostiar izan nahi, beren erabakia errespetatzea dagokigu gainerako guztioi: donostiarroi, Donostiako Udalari eta hiri honen batasun zatiezin betierekoaren defendatzaile porrokatu bihurtu omen diren PSE-EEri, EAJri eta PPri".

Sinatzaileek diote "lotsagarria" dela ordezkari politikoak igeldoarren borodatearen kontra agertzea, "baita zenbait komunibideren kanpaina neurrigabea ere". Argudiatzen dute berezko nortasuna izan duela beti Igeldok, donostiarrak ere horren jakitun direla, eta orain dela gutxi egin zen kontsultan boto emaileen %61 Donostiatik bereiztearen alde agertu zela. 

"Estrategia horretan donostiartasun agiriak" banatzen hasi direla ere kritikatu dute. "Zeintzuk dira haiek donostiartasun agiriak banatzeko? Zeren arabera erabakitzen dute nork maite duen eta nork ez Donostia?". Horren aurrean sinatzaileek ere donostiarrak direla aldarrikatzen dute. "Donostia maite dugu, hiri hau ulertzeko geure moduak ditugu.

Agiriarne amaieran igeldoarrek independente izateko eskubidea dutela diote. Eta onartuta ere zilegi dela Igeldorentzat onena Donostiari lotuta jarraitzea dela pentsatzea, azken erabakia igeldoarrena dela diote. "Eta gainerako guztioi iritzi hori errespetatzea dagokigula: erabakiarekin bat egin ala ez. Demokrazia kontu hutsa da".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Bi pertsona maskarak soinean daramatzatela, autobusean. ©JUAN CARLOS RUIZ / FOKU

Lau gako asintomatikotasunaz

Arantxa Iraola

Kutsatu guztiek ez dituzte izaten sintomak. Adituek diote COVID-19an positibo emandakoen erdiek-edo, birusa izan arren, ez dutela batere sintomarik. Horrek zaildu egiten du izurriaren kontrola.

Ikasgela huts bat, artxiboko irudi batean. ©Jon Urbe, FOKU

Beste hamabost ikasgela itxi ditu Jaurlaritzak

Uxue Rey Gorraiz

Eusko Jaurlaritzak esan du 280 ikasgela daudela bakartuta Arabako, Bizkaiko eta Gipuzkoako hezkuntza sisteman, pandemiarengatik.

Sindikatuek jantoki zerbitzua bermatzeko egindako elkarretaratze bat, artxiboko irudian ©luis jauregialtzo / foku

Hezkuntza Sailak 630 langile kontratatu ditu jantokietarako

Irati Urdalleta Lete

EHIGEren iritziz, ez da nahikoa Arabako, Bizkaiako eta Gipuzkoako eskola publikoetako jantokietarako 630 langile kontratatzea. Hezkuntza Sailak ez du jardunaldi jarraitua ezarriko Haur Hezkuntzako eta lehen Hezkuntzako ikasleentzat.

PCR probak, Urdulizko ospitalean. ©Aritz Loiola, FOKU

Positibo gutxiago atzeman dira

Uxue Rey Gorraiz

Beste 679 detektatu dituzte Hego Euskal Herrian, eta apaldu egin da ospitaleratuen kopurua: 42 lagun sartu dituzte erietxean azken egunean. 72 gaixo daude ZIUetan. Gizonezko bat hil da Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna