Albistea entzun

Kulturgintza

'Jakin' aro berri batean sartuko da aurten, fundazio bihurtu eta zuzendaritza berrituta

Paperezko edizioa eta webgunea berritu ditu aldizkariak eta udaberrian gidaritza talde berri baten esku utziko dute egungo lau arduradun nagusiek, bigarren plano batean kolaboratzen jarraituko badute ere.

berria.info -

2014ko otsailak 19

Egungo lau arduradun nagusiek —Joan Mari Torrealdai, Joseba Intxausti, Joxe Azurmendi eta Paulo Agirrebaltzategik— iragarri dute aurten aro batean sartuko dela Jakin aldizkaria, fundazio bihurtuta eta zuzendaritza taldea aldatuta.

Aro berriko lehen aldaketa 200. zenbakiaren argitalpenarekin batera eman dute, aldizkariaren itxura eta grafismoa berrituz eta argitalpena paperean nahiz sarean aldi berean plazaratuz. Maiatzetik aurrera, egungo lau arduradun nagusiak, nahiz eta kolaboratzen jarraitu, bigarren planoan geratuko dira, eta talde berri batek zuzenduko du aldizkaria, ordurako  fundazio bihurtuta.

Izena ere aldatu du aldizkariak, Jakin.eus izango baita aurrerantzean. Oraingoz webgunearen helbidea jakingunea.com bada ere, .eus domeinua eskuratu bezain azkar www.jakin.eus  helbidera aldatuko da. 

Etorkizunaren bermea

Fundazioa bihurtuta babestuko da ondoen aldizkariaren sortzaileen "filosofia" etorkizunean, Torrealdaik azaldu duenez. Horregatik hautatu dute formula hori. Aldizkariaren etorkizuna orain arteko ibilbidea baino hobea izango delakoan dago Torrealdai, eta uste du horretarako funtsezkoak izango dira aldizkaria lagunduko duten harpidedunak. Jakin-en proiektu berrian parte hartzeko hainbat aukera daude: 60 euroren truke paperezko aldizkaria edo aldizkari digitala jasotzeko aukera egongo da. 75 euroren truke, berriz, biak jasotzeko aukera, eta 120 euroren truke, paperezko aldizkari eta aldizkari digitalaz gainera, Jakin-en proiektu berria are gehiago sustatzeko aukera. Hala ere, edonork egin dezake nahiak edota ahalak eragiten dion ekarpena. 

 Webgune berrituaren atalak ere aurkeztu ditu Torrealdaik:

Liburuaren Behatokiak euskal liburuaren informazioa bildu eta landuko du: euskarazko liburuen 50.000 fitxa, liburuari buruzko albisteak eta ikerketak.

Gogoetari ere eragin nahi dio. Hausnarketa estrategikoak egin, eragin eta plazaratuko dira, kulturgintzan nahiz herrigintzan gogoeta orokor eta sektore artekoak.

Bilgunean, berriz, euskaraz eta erdaraz giza eta gizarte zientzien alorrean egindako gogoetak jasoko dira.

Eta memoria ere izango du, euskal kulturgileen lekukotasuna eta lana bilduko duena.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Askotariko materialez egindako lanak ikus daitezke <em>Gaurko euskal eskultura</em> erakusketan. Irudian, Guillermo Olmo eskultorearen <em>Arina</em> lana. ©MONIKA DEL VALLE / FOKU

Eskulturaren topalekua

Olatz Enzunza Mallona

Santurtziko Azken Muga elkarteak 95 artistaren lanak bildu ditu 'Gaurko euskal eskultura' erakusketa ibiltarian. Otsailaren 16ra arte ikusi ahal izango da

Pantx Records kolektiboko kideek Durangoko Azokan aurkeztu zuten bilduma. ©FACUNDO QUEVEDO TRONCOSO

Euskal Herritik Kingstonera

Alex Uriarte Atxikallende

Pantx Records kolektiboak 'Reggaean jarrai: Euskal folklore jamaikarra' izeneko bilduma kaleratu du. Euskal ondarea eta kultura jamaikarra uztartu dituzte proiektuan

Mikel Martinez aktorea, Marieta Diaz de Toledo eta Bertol Arrieta saridunekin, atzo, Bilbon. ©RAUL BOGAJO / FOKU

Gidoia abiapuntu gisa

Andoni Imaz - Olatz Enzunza Mallona

Bertol Arrietak, Mikel Fernandinok eta Marieta Diaz de Toledok irabazi dituzte aurtengo Cafe Bar Bilbao antzerki gidoi laburren sariak

Antonio Gramsci pentsalari, idazle eta politikaria. Haren kartzelako gutunak euskaraz irakur daitezke orain. ©BERRIA

Preso denaren kezkak, gutun azaletan bilduak

Ainhoa Sarasola

Antonio Gramsciren 'Kartzelako gutunak' eman du Katakrakek, Ekaitz Sirventen itzulpenean. Pentsalari ezkertiarrak espetxean idatzi zituen 218 eskutitzetan, haren «alde guztiak» aurki daitezke

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.