Noiz sortua: 2014-02-28 15:14:40

Ukraina

"Inbasioa" leporatu dio Ukrainak Errusiari, eta bilera bat eskatu dio NBEren Kontseiluari

"Inbasio militartzat eta okupaziotzat jo" du Arsen Avakov Ukrainako behin-behineko Barne ministroak Sebastopoleko aireportua inguratu izana, Krimean. Moskuk, berriz, ukatu egin du Kiev esaten ari dena. Kievek ezohiko bilera eskatuko dio Nazio Batuen Segurtasun Kontseiluari Krimeako egoera aztertzeko.

Ekintzaile errusiazaleak.
Ekintzaile errusiazaleak. / Arthur Shwartz/Efe

Amagoia Mujika -

2014ko otsailak 28

Errusiazaleek zaintza talde zibilak antolatu dituzte Krimeako Errepublika Autonomoko leku askotan, ukrainar nazionalkusten mugimenduak gertutik zaintzeko asmoz, eta hiriburuan, Sinferopolen, talde armatuek babestuta daudela esan dute Mendebaldeko hainbat komunikabidek. Errusiako Interfax berri agentziak, ordea, besterik esan du: goizaldean Sinferopoleko aireportura joan dira 50 bat lagun, baina alde egin dute handik, ingurua behatu ondoren, ukrainar paraxutisten mugimendurik ez dela baieztatu ondoren. "Ukrainatik etorri direla uste zuten, baina halakorik ez zegoela ikusita, barkamena eskatu eta joan egin dira", azaldu dio Igor Stratilati aireportuko bozeramaileak berri agentziari esan dionez.

Sinferopoleko aireportukoa baino larriagoak izan daitezke, ordea, Sebastopol hiriko aireportuan ustez gertatutakoaren ondorioak, Ukrainako Barne ministroak Errusiari inbaditzen ari dela esateak Mendebaldearen eta Moskuren arteko tentsioaren gorakada erakusten baitu. "Barruan Ukrainako militarrak eta mugako poliziak daude, baina kanpoan, kamuflaje jantzitz daude, armaturik, eta ez dute errusiar flotakoak direla ezkutatzen", azaldu du Avakov Ukrainako behin-behineko Barne ministroak. "Probokazio irekia da gatazka armatua eragiteko eta odola isurtzeko".

Moskuk, ordea, ukatu egin du Itsas Beltzeko errusiar flotako militarrak mugitu direla —mugituz gero Ukrainarekin duen hitzarmena urratuko luke—, eta "are gutxiago blokeatu" dutela. Militarrak bizi diren guneetan "terrorismoaren kontrako indarren zaintza areagotu" besterik ez dute egin, egoera nahasia delako, flotako kide batek esan duenez.

Ukrainako parlamentuak onartu du Errusiari eskatzea "lurralde batasuna eta subiranotasun nazionala" eragotziko lukeen edozein mugimenduak eta Ukrainarengandik bereizteko ekintzak. Parlamentuan onartu dute ere Nazio Batuen Erakundeko Segurtasun Kontseiluari ezohiko bilera eskatzea Krimeako egoera aztertzeko, eta beharrezko neurriak hartzeko.

Janukovitxen esperoan

Viktor Janukovitxi begira ere badaude Ukrainan eta nazioartean, izan ere, Errusiatik hitz egingo duela iragarri zuen atzo presidente kargugabetuak. Errusian hartu du babes, eta horrek ez du lagundu baretzen tentsio diplomatikoa, nazioarteko bilatze eta atxilotze agindua ezarria baitago haren kontra. 14:00etan hitz egingo du.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna