Albistea entzun

Euskara

Duela 20 urte baino gutxiago hitz egiten da euskaraz Araba, Bizkai eta Gipuzkoako etxeetan

Euskararen jakite maila gazteen artean igo da batik bat, baina gehienentzat ez da lehen hizkuntza.

Uriarte eta Baztarrika, gaur
Uriarte eta Baztarrika, gaur / ARP

Maite Asensio Lozano -

2014ko apirilak 7 07:39

1991n Araba, Bizkai eta Gipuzkoako biztanleen %21,8k erabiltzen zuten euskara etxean; 2011n, berriz, %20,8k. Beheranzko joera hori paradoxikotzat jo du Patxi Baztarrikak, Eusko Jaurlaritzako Hizkuntz Politikarako sailburuordeak: “Duela hogei urte, gaur baino askoz etxe gehiago ziren kide euskaldun bakar bat ere ez zuten familiak. Egungo egoera hori elebitasun desorekatuaren ondorio da”. V. Mapa Soziolinguistikoa aurkeztu du gaur gobernuak Bilbon, eta, oro har, Baztarrika baikor agertu da: “Hizkuntza gaitasuna 14,5 puntu hazi da 30 urtean, biztanleria soilik %1 igo den arren”.

Etxeko erabileran ez da antzeman, baina euskararen jakite mailak gora egin du 1981etik hona: egun, biztanleen %36,4k dakite ondo euskaraz; duela 30 urte, %22k baino ez. Era berean, orain hiru hamarkada herritarren bi heren erdaldun hutsak ziren, eta egun %44 dira. Euskaldunen soslaian “aldaketa erradikala” gertatu dela azaldu du Baztarrikak: 20 urte azpikoen %73 euskaldunak dira, baina gehienentzat euskara ez da lehen hizkuntza, eskolan ikasia baizik; gainera, euskaldun berrien erdiak EAEko sei udalerri handienetan bizi dira: “Euskaldun gutxi dituzten hiriak dira; hau da, hizkuntza erabiltzeko aukera gutxi dituzte”.
 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...