Gobernuan dagoen PSren porrota erabatekoa da Frantzian. Europako Parlamenturako emaitzek beste inon ez bezala astindu dute egoera politikoa Frantzian, eta lurrikara politikoak berehalako ihardespenak ukan ditu. Manuel Valls Frantziako gobernuburuak talka bainoago lurrikara politikoa izan dela onartu du. "Badugu zer ikasi Europako hauteskundeetako emaitzetatik".
Marine Lepenek garaipen nabarmena erdietsi duela azpimarratu du, eta Frantziako argazki politikoa errealitatera egokitzeko, Frantziako Parlamenturako hauteskundeak egitea eskatu du. Francois Hollande presidenteak ez du itxaron nahi izan eta ministroak ezohiko bilear batera deitu ditu gaur. Gainera, Europari zerbait egin behar dela ohartarazi dio.
François Fillon UMPko buru ohiak onartu du alderdiaren emaitza txarra. "UMPren sinesgarritasuna kolokan dago", adierazi du.
