ETAko presoei ezarritako zigorrak "gehiegizkoak" direla uste du Espainiako Auzitegi Nazionaleko epaile Jose Ricardo de Pradak. Adierazi du zigorren betetze maila "oso bestelakoa" dela gainontzeko presoekin konparatuz: "Aldea handiegia da ETAko presoei eta ETAkoak ez direnei jarritako zigorren artean".
Madrilgo Unibertsitate Konplutentseko udako ikastaroetan egin ditu adierazpenok De Pradak. Gaineratu du gizatasunari lotutako "behar baten arabera" aplikatu behar direla zigorrak, preso guztientzat "parekideak" izan daitezen.
