Albistea entzun

DONOSTIAKO ZINEMALDIA

Benicio del Torok jasoko du Donostia saria

'Escobar: Paradise Lost' filmeko protagonista da aktorea; Perlak sailari emango dio amaiera film horrek.

Benicio del Toro, 'A perfect day' filmean lanean.
Benicio del Toro, 'A perfect day' filmean lanean. Chema Moya / EFE

Berria -

2014ko irailak 2

Escobar: Paradise Lost filmak emango dio amaiera Perlak sailari Donostiako 62. Zinemaldian. Andrea di Stefanok idatzi eta zuzendu du pelikula, eta protagonistak Benicio del Toro Oscar sariduna (Pablo Escobarren rola jokatuko du), Josh Hutcherson (Hunger Games), Claudia Traisac eta Carlos Bardem izango dira.

Jose Luis Rebordinos Donostiako Zinemaldiko zuzendariak esana zuen beste Donostia sari bat ematekoak zirela. Jakina zen Denzel Washington aktorea izango dela horietako bat, eta gaur jakinarazi dute Benicio del Toro izango dela bestea.

Benicio del Torok kritikarien gorazarrea eta hainbat sari lortu ditu bere ibilbidean. Ameriketako Estatu Batuetako Zinema Akademiak antzeztaldeko aktore onenaren Oscar saria eman zion, Steven Soderberghen Traffic pelikulagatik, eta Alejandro Gonzalez Iñarrituren 21 Grams filmean egindako lanagatik Oscar sarietarako izendatu zuen. Aurrerago, Soderberghekin berriro lan egin zuen, Che Guevarari buruzko Che film biografikoko protagonista gisa.

Bere interpretazioagatik 2008ko Cannesko zinema jaialdiaren bukaerako ekitaldian gizonezko aktore onenaren Urrezko Palmorria jaso zuen, eta, hurrengo urtean, gizonezko aktore onenaren Goya saria. Del Toro Joe Johnstonen The Wolfman filmeko protagonistetako bat izan zen, Emily Blunt eta Anthony Hopkinsekin batera, eta Oliver Stoneren Savages filmean Lado pertsonaia nagusiaren rola jokatu zuen.

Del Toro Puerto Ricon jaio eta Pennsylvanian hazi zen. Kaliforniako Unibertsitatera joan zen (San Diego), eta han, ikasleek sortutako lan askotan aritu zen. Horietako bati esker, New Yorkeko Lafayette antzokiko antzerki jaialdi batean parte hartu zuen. Stella Adler kontserbatorioan ikasi zuen, Arthur Mendoza tutore zuela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Harkaitz Cano eta Irati Jimenez idazleak eta Uxue Razkin editorea, atzo, Donostiako Udal Liburutegi Nagusiko atarian. ©GORKA RUBIO / FOKU

Altxorraren giltzen bila

Gorka Arrese

Irati Jimenezek 'Ogia eta zirkua' saiakera idatzi du, Harkaitz Canoren 'Neguko zirkua' liburuko ipuinez. Unamuno saria jaso zuen. Erein etxeak argitaratu du
Alvaro Matxinbarrena artista, <em>Wild is the wind</em> erakusketan, Iruñeko Ziudadelako bolborategian. ©IDOIA ZABALETA / FOKU

Argi leuna forma artistikoekin

Olaia L. Garaialde

Alvaro Matxinbarrenaren 'Wild is the wind' erakusketa irailaren 31ra arte ikusgai dago Iruñean
Jokin Campion Gaston, Saioa Alkaiza Guallar eta Ander Perez Argote, gaur, Iruñean. ©Iñigo Uriz / Foku

Nafarroako Bertsozale Elkarteak eta Iruñeko Udalak otsailera atzeratu dute Bertsoaroa

Ane Eslava

Nafarroako Bertsolari Txapelketa jokatzen ari delako atzeratu dute zikloa. Iruñeko Bertsopaper Lehiaketako irabazleen berri eman dute, eta Saioa Alkaizaren bertso sorta batean oinarritutako 'Biziraute saiakera' ikuskizuna aurkeztu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.