Agerraldia egiteko prest agertu da Pujol. Irailaren 22tik aurrera izan zedin nahi zuen, irailaren 11ko Diadan eta hilaren 15 eta 17 arteko politika orokorrari buruzko eztabaidan "ahalik eta gutxien" eragiteko.
Uztailaren amaieran onartu zuen gobernuburu ohiak urteetan ukatutakoa, alegia, 30 urtez legez kanpo atzerrian ezkutatu zuela dirua. Kataluniako Parlamentuko zazpi taldeek —CiU, ERC, PSC, PP, ICV-EUiA, C's eta CUP— Pujolen "berehalako agerraldia" eskatu zuten, atzerrian gorderik eduki dituen ondasunei buruzko azalpenak emateko.
