Albistea entzun

Kataluniako prozesu subiranista

Masek iragarri du aste honetan deituko duela kontsultara

Kataluniako presidenteak Madrili eskatu dio ez dezala erabil konstituzioa "Kataluniako herria isilarazteko".

Artur Mas Parlamentutik irteten, artxiboko irudi batean.
Artur Mas Parlamentutik irteten, artxiboko irudi batean. Alberto Estevez / EFE

Berria -

2014ko irailak 22 12:36

Artur Mas Kataluniako presidenteak ez du data jakinik eman, eta, beraz, Madrilek oraindik ere zain egon beharko du kontsulta geldiarazteko helegiteak jartzeko. Hala ere, atzo iragarri zuen "datozen egunetan" deituko duela erreferendumera. Cardonan (Bartzelona) eginiko agerraldian esan zituen hitzok Generalitateko buruak.

Bide beretik, Madrili ohartarazi zion ez dezala erabil konstituzioa "Kataluniako herria isilarazteko, hari hitza emateko baizik". "Arrazoi demokratikoa gure alde dago. Irmotasun eta trebetasunez jokatzeko garaia da orain".

Dena den, Generalitatea ez da egon Masek dekretua sinatu zain kanpaina prestatzen hasteko, alderantziz baizik. Bartzelonan dena prest dute Masek galdeketara deitzen duenerako. Dekretua indarrean sartzen den une berean hasiko dute kanpaina eta jakinaraziko dituzte azaroaren 9an zein bi galdera egingo diren.

Horrez gain, dekretuak kanpainaren denbora mugak zehaztuko ditu, eta baita galdeketa egiteko beharko diren azpiegiturak ere. Jada laurehundik gora udal agertu dira Generalitateari prestaketa horietan laguntzeko prest.

Oharrak Madrildik

Espainian, ordea, giroa garraztuz doa galdeketaren eguna gerturatu ahala. Atzo bertan, Pedro Sanchez sozialisten buruak gogor kritikatu zuen Masen iragarpena: "Zentzugabekeria hutsa da presidente batek gizartea banatzea herritarrak espainiar eta katalan izatearen artean aukeratzera derrigortuz".

UPDko buru Rosa Diezek, berriz, ohartarazi dio kontsultara deitzeko esperantzak bazterrean uzteko, "zuzenbide estatuak irabaziko duelako ororen gainetik".

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Palestinako herritarrak Israelgo segurtasun indarrek hildako palestinar baten hiletan, Ramallahn. ©Alaa Badarneh / EFE

Israelen eta Palestinaren arteko gatazka «borborka hastear» dagoela ohartarazi du NBEk

Maddi Iztueta Olano

Erakundeak bi estatu sortzeko plana onartu zuenetik 75 urte betetzen dira gaur, baina liskarrak ez du etenik izan ia. Israelgo segurtasun indarrek lau palestinar hil dituzte bart.

Erreskatatu dituzten hiru gizonak, 'Alithini II' petrolio ontziaren lema gainean. ©@salvamentogob

Petroliontzi baten lemaren gainean 11 egunez iraun duten hiru lagun erreskatatu dituzte Kanarietan

Paulo Ostolaza

Ontzia Lagostik abiatu zen, Nigeriatik, azaroaren 17an. Lehen arreta eman eta gero, hipotermia zantzuekin ospitaleratu dituzte hiru gizonak.

Jens Stoltenberg NATOko idazkari nagusia, atzo, Bukaresten egindako agerraldian. ©ROBERT GHEMENT / EFE

Stoltenberg: «NATOk Ukraina babesten jarraituko du, eta ez dugu atzera egingo»

Mikel O. Iribar

Mendebaldeko aliantza militarra bilera egiten ari da Bukaresten. Reutersen arabera, NATO presio egiten ari zaie armak ekoizten dituzten enpresei, hornidura «arazoak» dituztelako.

Irango emakumeen aldeko protesta bat, Istanbulen (Turkia), larunbatean. ©ERDEM SAHIN / EFE

Iranek ez dio lagunduko NBEri protestetako errepresioa ikertzen

Maddi Iztueta Olano

NBEk misio bat sortu du Mahsa Aminiren aldeko mobilizazioetako errepresioa ikertzeko. Protestetan 300 lagunetik gora hil dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.