Euskal presoak

EPPK-k auzitara joko du, sakabanaketa amaitu dadila eskatzeko

Sakabanaketaren 25. urtemugaren karietara ohar bat kaleratu du, eta herritarrei dei egin die mobilizatzen jarraitzeko

Presoen egoera salatzeko, espetxe baten aurrean eginiko ekimena.
Presoen egoera salatzeko, espetxe baten aurrean eginiko ekimena. MONIKA DEL VALLE / ARGAZKI PRESS

Berria -

2014ko irailak 23

EPPK Euskal Preso Politikoen Kolektiboko kideek Espainia eta Frantziako auzitara joko dute Euskal Herriko espetxeetara hurbildu ditzaten eskatzeko. Nork bere espetxeko zuzendaritzaren ezezkoa jaso ostean, erabaki horren aurkako helegitea jarriko dute presoek, EPPK-k BERRIA-ra bidalitako ohar baten jakinarazi duenez.

Euskal presoen sakabanaketaren 25. urtemugaren karietara ohar bat kaleratu du EPPK-k. Erabaki horren berri emateaz gain, herritarrei dei egin die euskal presoen eskubideen alde mobilizatzen jarraitzeko.

Martxoan hasi ziren EPPK-ko kideak banakako eskaerak egiten; ekainean hasi eta uda osoan zehar aritu dira ezezkoak jasotzen, eta denek erantzun berbera jaso dute. Presoek euren etxeetatik gertuen dagoen espetxean egotea “oinarrizko eskubidea” dela argudiatu zuten EPPK-ko kideek.

Mezua EAJri

Sakabanaketaren hasieraren 25. urtemugarekin bat, EPPK-k azpimarratu du neurri horrek bilatzen zituen helburuak  “porrot” egin dutela. Neurri hori noiz, nola eta zergatik sortu zuten gogoratu du, eta gaineratu oraindik ere indarrean mantentzeak xede bat baino ez duela: herritarren artean «etsipena hedatzea» eta «prozesu politikoa errailetik aztertzea». Horren harira, EAJri galdetu dio duela 25 urte egin bezala, gaur egun ere “bedeinkatzen” jarraitzen duen edo ez euskal presoen sakabanaketa.

Aldiz, euskal gizarteak neurri horren aurka agertu duen jarrera txalotu du, eta egun “inoiz baino indar handiagoa duela” azpimarratu, Urtarrilaren 8an Bilbon eta ekainaren 14an Baionan eginiko manifestazio jendetsuak gogoratu ditu EPPK-k.

Era berean, sakanabaketak eragindako “zauri eta sufrimenduak” salatu ditu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Angeluko hondartza. ©Guillaume Fauveau

Maskara derrigorrezkoa izango da Ipar Euskal Herriko hainbat herritan ere

Olatz Esteban Ezkati

Berrehun positiboren langa gainditu da seigarren egunez jarraian Hego Euskal Herrian: 224 kasu izan dira azken orduetan. Gipuzkoako tabernariak kexu agertu dira Jaurlaritzaren murrizketak direla eta

Emakume bat oinez Donostian, erosketen poltsak eskuetan, joan den apirilean. ©GORKA RUBIO / FOKU

Zaurgarrienak, zaurgarriago

Maddi Ane Txoperena Iribarren

Pandemiak emakume eta gizonen arteko desberdintasunak sakondu dituela ondorioztatu du Emakunderen txosten batek. Egoera hobetzeko gomendioak eman dizkie erakundeei

Jedea Bilboko metrotik irteten, maskara jantzita ©Luis Tejido/EFE

Berrehun positiboren langa gainditu da seigarren egunez jarraian Hego Euskal Herrian

Berria

Azken orduetan 224 kasu atzeman dituzte. Positiboetatik 123 Bizkaian detektatu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna