Albistea entzun

A9-aren ondorena

Generalitateak deliturik egin ote duen argitzeko ikerketa hasi du fiskaltzak

 
Rafael Catala Justizia ministroa, igandean.
Rafael Catala Justizia ministroa, igandean. Zipi / EFE

Adrian Garcia -

2014ko azaroak 11 14:16

Kataluniako zaintza auzitegiak lanpetuta ibili ziren herenegun. A-9ko prozesu parte hartzailearen aurkako makina bat salaketa jaso zituzten, baina behin-behineko neurririk ez zuten hartu, «neurriz kanpokoak» izan zitezkeelako. Justiziak, beraz, ez zuen trabarik jarri, eta, oro har, eragozpenik gabe bozkatu ahal izan zuten kataluniarrek. Baina lasaitasunak gutxi iraun diezaioke Generalitateari. Kataluniako Gobernuak desobedientzia eta prebarikazioa egin eta funtsak bidegabe erabili ote dituen ikertzen ari da Kataluniako Auzitegi Gorenaren Fiskaltza, Estatuko fiskal nagusiarekin elkarlanean. Efe agentziak atzo iluntzean jakinarazi duenez, fiskaltzak salaketa gertu du, eta «hurrengo orduetan» aurkez dezake.

Kontsultarako egoitza publikoak erabiltzea delitua ote den argitu nahi du fiskalak. Horretarako, igandean bertan Mossos d'Esquadra polizia autonomikoari eskatu zion bozkatzeko ireki zituzten egoitza publikoen zerrenda helarazteko. Gainera, egoitza bakoitzaren arduraduna, kontsulta egiteko baimena eman duena, identifikatzeko agindu zien. Unipost etxearekin ere harremanetan jarri da. Galdeketarako materiala garraiatu eta propaganda banatu du enpresak. Sinatutako kontratuak eta fakturak erakusteko eskatu dizkio.

«Fiskaltza arduradun bila badabil, nigana jo dezala». Artur Mas Kataluniako presidenteak bere gain hartu du prozesuaren ardura osoa. Generalitatearen arabera, ezin eskatu dakioke boluntarioak identifikatzea, kontsulta egiteko agindua gobernuarena delako. Mossoek ez zuten inor identifikatu, eta Joana Ortega Generalitateko presidenteordearen idatzia igorri zioten fiskaltzari: «Generalitateak eman du egoitza publikoak erabiltzeko baimena». Ortegaren arabera, ezin dute arduradunen izen-abizenik eman, ez dakitelako zein baldintza zehatzetan eman duten aretora sartzeko baimena.

Fiskaltzaren ikerketaz gain, Katalunia osoko beste auzitegietan ere abiatu dituzte prozesuak, alderdi politikoek edo herritarrek jarritako salaketengatik. Besteak beste, PP, UPD, Plataforma per Catalunya eta Falange alderdiek jo dute auzitara, galdeketa bertan behera uztea eskatzeko. UPDk egoitza publikoak husteko eta materiala atxikitzeko eskatu ez ezik, Mas, Irene Rigau Hezkuntza sailburua eta Ramon Espadaler Barne sailburuaren aurka ere salaketa jarri zuen. Plataforma per Catalunya alderdi xenofoboak, berriz, Ortegaren aurka egin zuen.

Zigorrak, «pentsaezinak»

Generalitatearen ustetan, salaketa horiek ez dira urrutira joango. «Mehatxu horiek guztiek gero eta hotzepelago uzten gaituzte», azaldu du Francesc Homs bozeramaileak. Homsen esanetan, «pentsaezina» da Kataluniako Gobernuko kideak inhabilitatzea.

Horrez gain, Espainiako Auzitegi Konstituzionalean aurkeztutako helegitea zabalduko du Generalitateak. Larunbatean Mariano Rajoy Espainiako presidenteak eginiko adierazpenak sartuko dituzte bertan. «Esan zuen A-9a ez zela ez kontsulta bat, ezta erreferendum bat ere. Orduan zergatik inpugnatu zuten?», esan du Homsek. Fiskaltzaren independentzia falta ere salatu du. «PPko iturriek hedabideetan aurreratzen zituzten fiskaltzaren prentsa oharrak. Eskandalu bat da estatuko erakundeak erabiltzea PPren mesederako».

Madrilek ez du galdeketaren emaitzei buruz hitz egin nahi izan, ez baitio zilegitasunik aitortzen. «Propaganda ekintza bat da, eta ez du inolako balio demokratikorik», esan du Rafael Catala Justizia ministroak. Haren hitzetan, justiziak «neurriko erantzuna» emango die galdeketa antolatu dutenei.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Peruko Polizia herritar bat atxilotzen, Boluarteren aurkako manifestazio batean, atzo, Liman. ©Antonio Melgarejo / EFE

Peruko bozak urrira aurreratzeko lege proiektua aurkeztu du gobernuak

Mikel O. Iribar

Hain zuzen, Kongresuak hauteskundeak abendura aurreratzeari ezezkoa eman ondoren heldu da gobernuaren erabakia. Proposamen horren arabera, Boluarteren agintaldia abenduaren 31n amaituko litzateke.

 ©KETTY MARCELO LOPEZ

«Perun hil egiten gaituzte; diktadura zibiko-militar batean bizi gara»

Mikel O. Iribar

Buruzagi indigenak azaldu duenez, Castilloren atxiloketa «bidegabeak» ez ezik, Perun duten krisi sozialak eta arrazakeriak ere eragin dituzte egungo protestak: «Ez dugu amore emango».
Goizaldean bonbardatutako eraikinetako bat, Kramatorsken. / ©Segey Shestak, EFE

Hiru pertsona hil dira etxebizitza eraikin baten aurkako bonbardaketan Ukrainan

Arantxa Elizegi Egilegor

Kievek ohartarazi du Errusiak «erasoaldi handi bat» hasteko asmoa duela gerra hasieraren urteurrenean. Europako Batzordeko presidentearen bisita baliatuta, Zelenskik zigor gehiago eskatu ditu Moskuren aurka.

Protesta bat Jeninen, Gazan, joan den ostiralean, Zisrdanian egindako sarekadak salatzeko. / ©Mohammed Saber, EFE

Israelek 224 palestinar hil zituen iaz, tartean 53 adingabe

Arantxa Elizegi Egilegor

Goizaldean, Israelgo armadak Gazako hainbat eremu bonbardatu ditu. Ez da zauriturik egon.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.