BERRIA 2023. urtean zehar kalera irten da ERRONKA JOLASArekin, Euskal Herriko hainbat egun esanguratsutan parte hartzeko eta bere eskaintza helarazteko asmoz. Horiek horrela, puzzle erraldoi batekin egon gara Ondarroan (Ibilaldia), Mungian (Euskal Eskola Publikoaren Jaia), Gasteizen (Araba Euskaraz), Bilbon (Tourra), Errenterian (Kilometroak) eta Etxarri Aranatzen (Nafarroa Oinez). Gure artera gerturatu zirenek, erronkan parte hartzeaz gain, bizikleta elektriko baten zozketan parte hartzeko aukera izan zuten.
Sari banaketa
Zigor Zeziagak irabazi zuen bizikleta elektrikoa, Kutxabank-ek diruz babestutako saria, eta BERRIAlagun Oñabike bizikleta dendan jaso zuen. Bertan izan ziren Oñatiko Kutxabank sukurtsaleko zuzendari Ainhoa Zenigaonaindia Muruamendiaraz, Oñabike bizikleta dendako arduradunak, eta BERRIAko kide Irati Azkue.
4.000 parte hartzailetik gora
Euskararen inguruan jaia eta festa izan den eremuetan egon da BERRIA. Oso ongi pasatu dugu familiekin, helduekin eta haurrekin gure zerbitzu eta produktuen irudiak osatzen: Mantangorri, BERRIA FM, Kinka, BERRIA Ikasgela, Mendia kanala eta Badok. Minutu batean osatu beharreko puzzle erraldoiaren jira-bueltan, gure irakurleekin elkartzeko parada izan dugu.
