Estilo adina proposamen daude Euskal Herrian, eta kantagintza horren erakusgarri zenbait bildu zituzten  Sormene programako emanaldi batean, Galdakaon (Bizkaia). Emakume sortzaileak nabarmentzea da kultur ekitaldiaren helburuetako bat, eta, hala, Haizea, J Martina, Kai Nakai eta Ningra musikariek hartu zuten parte, mahai inguru batean lehenik, eta kontzertu banatan gero. Maider Galardi BERRIAko kazetariak gidatu zuen solasaldia.