Martxelo Otamendi BERRIAko zuzendariak gaur goizean egin du Lasarte-Orian erosi BERRIAren eskutik kanpainaren zozketa. Kanpaina horretan, Lasarte-Oriako (Gipuzkoa) hainbat saltokik parte hartu dute BERRIArekin batera, eta bi sari banatu dituzte. Batetik, Lasarte-Oriako saltoki horietan erosketaren bat egin duten herritarren artean. Irabazleak 1.000 euroko erosketak egiteko txartela jasoko du, kanpainan parte hartu duten saltokietan erabiltzeko. Bestetik, saltokietako batek 1.000 euroren balioko publizitatea jarri ahalko du dohainik BERRIA egunkarian.
Erosleentzako saria Zuriñe Lebrero Villalbak irabazi du; saltokiena, berriz, Trumoi tabernak. Zorionak biei!
