Alexander Payneren 'Downsizing' filmak irekiko du Veneziako Zinemaldia

ZINEMA. Abuztuaren 30ean abiatuko da aurtengo Veneziako zinemaldia,eta Alexander Payne zuzendari estatubatuarraren Downsizing pelikula aukeratu dute aurtengo ekitaldiko lehiaketa irekitzeko. Paynek Oscar saria irabazia dauka Sideways (2004) eta The Descendants (2011) filmetako gidoiengatik; zientzia fikzioko lan bat aurkeztuko du orain Venezian. Matt Damon da filmeko protagonista.