Goizean, Eguzkia atera baino ordubete lehenago hasi gara prestatzen Zientziaren Kutxagunean. Astronomia behatokian gertatu da dena, 36 metroko altuerara. Dorre hori gure museoaren ikurretako bat da. Igo naizenean, kupula irekita dago jadanik; eskailera bere lekuan, eta Miren Millet lankidea kamera bisorearekin elkartzen ari da. Teleskopioa lerrokatzen duten ardatzei eta kontrapisuei azken ukituak ematen ari da.
«Argitu duela ematen du», diogu baikorrenek hegoekialdera begiratuz. Urduritasuna gure joan-etorrian sumatzen da, baita ordulariari etengabe begiratzeko nahigabeko mugimenduan ere.
—8:57, orain gehienezkoan geundeke.
—09:05, garbitzen ari dela ematen du!
Zerua garbitu egin da, eta soldatzaile filtroak bata besteari ematen hasi gara, eskutik eskura.
«Zein polita, zein ondo ikusten den!», diogu alkandoraren lepoak igo eta zamarrak isten ditugun bitartean. Berotu beharra dago han.
Hurrengo Eguzki eklipsea 2026ko abuztuaren 12an izango da. Astronomia zaletasuna sustatzeko ez legoke lekuz kanpo jertse lodi bat erosteko aholkua ematea.
Iritzia
Astronomia eta jertse lodiak
Iruzkinak
Ez dago iruzkinik
Ordenatu
