ANNAPURNAN HAMALAU

Abele Blanc mendi gidari italiarra izan da hamalau zortzimilakoak igo dituzten mendizaleen zerrendan sartzen azkena. Annapurna (8.091) falta zuen bilduma osatzeko, eta astelehenean jo zuen gailurra, Koreako mendizale batzuekin eta sherpa batekin. Oxigenorik baliatu gabe igo ditu hamalauak Blancek, eta halakorik lortzen 11. mendizalea izan da —hamalauak 22 mendizalek igo dituzte—. Argazkian, Abele Blanc, Everesteko tontorrean, iaz.