Mineralak, fosilak eta oro har naturako elementuak gertutik ezagutzeko aukera emango du Urretxuko Urrelur museoak (Gipuzkoa) gaurtik igandera bitarte.Makro argazki tailerra eta ibilaldi geologikoa bizikletaz daude aurtengo berrikuntzen artean. Tailerra ostiralean eta larunbatean izango da, Aizpurunea kultur etxean, 19:00etan eta 18:00etan, hurrenez hurren. Joaquim Calles argazkilariak azalpenak emango ditu; ondoren, mahai-inguru bat prestatu dute zalantzak argitzeko.
Ibilaldi geologikoa igandean izango da. Areizaga-Kalebarren plazatik irtengo da martxa, 10:30ean, eta Urretxu-Aizpurutxo ibilbidea egingo dute bizikletaz. Horietaz gain, beste hainbat ekintza antolatu dituzte: erakusketa monografikoak eta esperimentu tailerrak, besteak beste. Gaur, Itziar Zubizarreta ipuin kontalaria ariko da, 6-8 urteko haurrentzako emanaldi batekin. Mineral, fosil eta harribitxien azoka, haur eta gazteentzako parkea, txu-txu trena eta mineral bizidunen kalejira daude asteburuan egongo diren jardueren artean.
MINERALOGIA ETA PALEONTOLOGIA ASTEA
Non. Urretxun (Gipuzkoa).
Noiz. Gaurtik igandera arte.
ASTEBURUKO PROPOSAMENAK. Naturak utzitako aztarnak ezagutuz
Urretxu.
Iruzkinak
Ez dago iruzkinik
Ordenatu
