Azenarioa

Nutrizio aldetik, azenarioa elikagai osasuntsu eta aberatsa da, mineral eta bitamina ugari baititu. Ura du osagai nagusia; karbohidrato kopuru handia ere badu. Beste barazkiekin konparatuta, azenarioak karbohidrato gehiago dauzka, eta, horregatik, beste barazki batzuk baino energetikoagoa da. Laranja kolorea karotenoei zor die; esate baterako, beta-karotenoa edo A pro-bitamina edukitzeagatik —pigmentu natural bat—. Organismoak A bitamina bihurtzen du pigmentu hori. Halaber, E bitamina eta B taldeko bitaminak ditu. Mineralei dagokienez, potasioa du nagusi, baita fosforoa, magnesioa, iodoa eta kaltzioa ere.

Zuntzez ere aberatsa da, barazki guztiak bezala.

Mantenugai horiei guztiei esker, azenarioak defentsa sistema indartu, eta ikusmena zaintzen laguntzen du; bestetik, digestio aparatua erregulatzen du, eta lagungarria da pisu osasuntsuari eusteko.