Uda berezi honetan kanpora joateko asmorik? Ala etxetik gertu nahiago? Aukera bat zein bestea izan, argazki ikusgarriak ateratzeko aukera dago. BERRIAk urtero antolatzen du udako argazkien lehiaketa, eta aurten ere martxan da. Orain arte erredakzioan jasotako argazki batzuen bilduma atxikita dago albistearen azpialdean.
Lehiaketa irabazten duenarentzat, bi lagunentzako gaua eta gosaria izango da Bidania-Goiatzen (Gipuzkoa) dagoen Iriarte jauregian, eta bigarren sailkatuarentzat, berriz, bi lagunentzako dastatze menua, Bilboko Yandiola jatetxekoa. Parte hartzaileen artean K Pilota txakolinaren sei botilako bost kaxa zozkatuko dira; beraz, badago nahikoa arrazoi lehiaketan parte hartzeko!
Irailaren 6ra arte bidali daitezke argazkiak, [email protected] helbidera, egilearen izen-abizenak, telefono zenbakia eta argazkiaren azalpen bat idatzita. Ezaugarriok izan behar dituzte argazkiek: 1.800x1.200 pixel, eta JPG formatua.
