Berezko izena Carlo Pedersoli bazuen ere, Bud Spencer gisa egin zen ezagun. Aktore italiarra joan zen astelehenean hil zen, 86 urterekin.
1929an jaio zen, Napolin; aktore ez ezik, gidoilari, ekoizle eta Italiako igeriketa txapelduna ere izan zen, eta hiru aldiz hartu zuen parte Olinpoar Jokoetan. Spencer, hala ere, Terenc Hill aktorearekin egindako filmei esker egin zen ezagun. Bien artean hainbat spaghetti western egin zituzten, horietan ezagunena ziurrenik Lo chiamavano Trinita (1971). Horren aurretik egin zituen, ordea, beste batzuk ere, besteak beste Quo Vadis (1951) eta Dio perdona... Io no! (1967).
