'Callejeros' salatu dute Kolonbiako hedabideek

TELEBISTA. Astelehenean Cuatro kateko Callejeros Viajeros saioak Kolonbiako Santiago de Cali hiriari buruzko erreportaje bat eman zuen. Lanak Kolonbiako komunikabideen kritika ugari jaso ditu, «hiriaren segurtasun falta eta drogaren zabalpena» agertzen zituelako. Hiriko alkatea Espainian dagoen Kolonbiako enbaxadorearekin jarriko da harremanetan, Cuatrok zuzenketa bat egin dezan. Kolonbiako hedabideetako webguneak eta sare sozialak Cuatroren aurkako iritziz bete dira egunotan. Saioaren aurkako talde bat ere sortu dute Facebooken.