«Egunik onena? Baiona; Porrotxek egin zigun bisita»

«Bizipen izugarria izan da, zoragarria. Horrelako elkarbizitza ariketa batean pila bat ikasten da. Espero nuen baino hobea izan da; uste nuen bakarrik etorrita zailtasun gehiago izango nituela, baina ikusi dut denok berdin gentozela eta egoera berean geundela. Egoera eta eguneroko testuinguru ezberdinetatik gatoz denak, eta ikusi dut zorionekoa naizela inguru euskaldun batetik natorrelako. Esaterako, asko ikasi dut Nafarroako egoeraz. Egunik politena Baionakoa izan zen, Porrotx etorri baitzitzaigun bisitan. Ezustekoa izan zen, eta haurtzarora itzultzea bezalakoa izan zen».