EITBren aplikazio berri bat sakelakoentzat, laster

INTERNET. EITB taldeak aurki martxan jarriko duen sakelako telefonoentzako aplikazioaren berri eman dute administrazio kontseiluaren bileran. Aplikazioaren bidez, EITBko hedabide guztiak izango dira eskuragarri. Esate baterako, ETBko kateak zuzenean ikusi ahalko dira, baita EITB Nahieran ere. Apple eta Android teknologia darabilten smartphone eta halakoetan izango da erabilgarria aplikazioa.