Bilboko erraldoiei eta buruhandiei buruzko aldi baterako erakusketa ikusgai dago Bilboko Euskal Museoan, irailaren 30era arte. Erakusketa Euskal Museoak eta Udaleko Jaietako Sailak antolatu dute. Dokumentazio historikoaz Iñaki Irigoien eta Jon Gaminde arduratu dira, eta Bizkaiko Dantzarien Biltzarraren, Bizkaiko Gaiteroen eta Renferen laguntza izan dute.
Bilboko jaietan oso maitatuak dira buruhandiak eta erraldoiak. Urteak joan, urteak etorri, kalean zehar egiten duten desfilearen atzetik hamaika jarraitzaile joaten zaizkie, jai giro aparta sortuz. Gainera, erraldoi eta buruhandiak denen gozagarri dira; haur txikienengandik hasi, eta aitona-amona parrandazaleenganaino.
Erakusketa honetan, erraldoi eta buruhandien historiaren berri jakin daiteke; hala nola noiz aipatzen diren lehen aldiz, eta historian zer bilakaera izan duten. Erakusketan, Bilboko Udalaren jabetzakoak diren erraldoien bi belanauldiak egongo dira ikusgai; bai 1980koa eta bai 1988koa ere. Horrez gain, bederatzi buruhandi ere ikusteko aukera eskaintzen dute. Gehigarri modura, Euskal Museoak 1980ko erraldoien hamabi miniatura gehitu ditu erakusketan, Fernando eta Esperanza Pallaresek egindakoak. Erakusketa osatzeko, jaietako 84 argazki daude, hainbat garaitakoak.
BILBOKO ERRALDOIAK ETA BURUHANDIAK
Noiz. Irailaren 30era arte
Non. Bilboko Euskal Museoan
Erraldoien erakusketa, Bilbon
Buruhandi eta erraldoien erakusketa ikus daiteke uda honetan Bilboko Euskal Museoan
Iruzkinak
Ez dago iruzkinik
Ordenatu
